അഹമ്മദാബാദ് : ഐപിഎല് ക്രിക്കറ്റില് ഇന്ന് ഗുജറാത്ത് ടൈറ്റന്സും ദല്ഹി ക്യാപിറ്റല്സും ഏറ്റുമുട്ടും. അഹമ്മദാബാദിലെ നരേന്ദ്ര മോദി സ്റ്റേഡിയത്തില് രാത്രി 7.30നാണ് മത്സരം.
ഈ സീസണിന്റെ തുടക്കത്തില് ന്യൂദല്ഹിയിലെ അരുണ് ജെയ്റ്റ്ലി സ്റ്റേഡിയത്തില് ഇരുടീമുകളും ഏറ്റുമുട്ടിയപ്പോള് ഗുജറാത്ത് ടൈറ്റന്സ് ദല്ഹി ക്യാപിറ്റല്സിനെതിരെ 6 വിക്കറ്റ് വിജയം നേടിയിരുന്നു. മൊഹമ്മദ് ഷമി, റഷീദ് ഖാന്, ബി സായി സുദര്ശന്, ഡേവിഡ് മില്ലര് എന്നിവരാണ് അന്ന് തിളങ്ങിയത്.
ഇന്ന് സീസണിലെ അഞ്ചാം മത്സരത്തിന് ആതിഥേയത്വം വഹിക്കുന്ന അഹമ്മദാബാദിലെ നരേന്ദ്ര മോദി സ്റ്റേഡിയത്തില് രണ്ട് ടീമുകളും റിവേഴ്സ് മത്സരത്തിലാണ് ഏറ്റുമുട്ടുന്നത്. അതേസമയം ഇന്നലെ ലക്നൗവിലെ അടല് ബിഹാരി വാജ്പേയി ക്രിക്കറ്റ് സ്റ്റേഡിയത്തില് നടന്ന മത്സരത്തില് റോയല് ചലഞ്ചേഴ്സ് ബാംഗ്ലൂര് ലക്നൗ സൂപ്പര് ജയന്റ്സിനെ 18 റണ്സിന് പരാജയപ്പെടുത്തി. 127 റണ്സ് വിജയലക്ഷ്യം പിന്തുടര്ന്ന ലക്്നൗ സൂപ്പര് ജയന്റ്സ് 19.5 ഓവറില് 108 റണ്സിന് എല്ലാവരും പുറത്തായി.
