ബാര്മര് : അന്താരാഷ്ട്ര അതിര്ത്തികടക്കാന് ശ്രമിച്ച രണ്ട് പാക്കിസ്ഥാന് സ്വദേശികള് സൈന്യത്തിന്റെ വെടിവെപ്പില് കൊല്ലപ്പെട്ടു. ഗാദറോഡ് പോലീസ്റ്റേഷന് പരിധിയിലാണ് സംഭവം. ഇന്ത്യയിലേക്ക് നുഴഞ്ഞു കയറാനുള്ള പാക് പൗരന്മാരുടെ ശ്രമം ബിഎസ്എഫിന്റെ ശ്രദ്ധയില്പ്പെടുകയും സൈന്യം അതിനെ പ്രതിരോധിക്കുകയുമായിരുന്നെന്ന് ബാര്മര് എഎസ്പി സത്യേന്ദ്രപാല് സിങ് അറിയിച്ചു.
കൊല്ലപ്പെട്ടവര് മയക്കുമരുന്ന് കടത്ത് സംഘത്തില്പ്പെട്ടവരാണെന്നാണ് കരുതുന്നത്. ഇവരുടെ പക്കല് നിന്നും മൂന്ന് കിലോഗ്രാമോളം മയക്കുമരുന്നും പിടികൂടിയിട്ടുണ്ട്. ബാര്മര് സൈനിക പോസ്റ്റിന് സമീപത്തായാണ് ഇരുവരും നുഴഞ്ഞുകയറാന് ശ്രമം നടത്തിയത്. സൈന്യം ഇവര്ക്ക് മുന്നറിയിപ്പ് നല്കിയിട്ടും അത് അവഗണിച്ച് അതിര്ത്തി കടക്കാന് ശ്രമിച്ചതോടെയാണ് വെടിവെച്ചത്. അതേസമയം കൊല്ലപ്പെട്ടവരെ കുറിച്ചുള്ള വിശദാംശങ്ങള് ഇതുവരെ പുറത്തുവന്നിട്ടില്ല.
