ന്യൂദല്ഹി: സ്വവര്ഗ വിവാഹത്തിന് നിയമപരമായ സാധുത നല്കാനുള്ള സുപ്രീംകോടതി നീക്കത്തിനെതിരെ വിശ്വഹിന്ദു പരിഷത്ത് അടക്കമുള്ള സംഘടനകള് പ്രക്ഷോഭത്തിന്. സുപ്രീംകോടതിയുടെ തിടുക്കം വേദനാജനകമാണെന്ന് വിഎച്ച്പി ദേശീയ കണ്വന്ഷന് പ്രമേയത്തില് കുറ്റപ്പെടുത്തി.
കോടിക്കണക്കിന് കേസുകള് കെട്ടിക്കിടക്കുന്ന രാജ്യത്ത് ഇത്തരത്തിലുള്ള പരിഹാസ്യമായ കേസുകളുടെ പുറകേ കോടതികള് നടക്കുന്നത് ജുഡീഷ്യറിയുടെ വിശ്വാസ്യതയെ ബാധിക്കും. രാജ്യത്തിന്റെ ഭരണഘടനയേയും പാര്ലമെന്റിനേയും തന്നെ ഗുരുതരമായി ബാധിക്കുന്ന നീക്കമാണ് കോടതിയില് നടക്കുന്നത്, വിശ്വഹിന്ദുപരിഷത്ത് ചൂണ്ടിക്കാട്ടി. വരും ദിനങ്ങളില് വിവിധ സംഘടനകള് സുപ്രീംകോടതിയില് നടക്കുന്ന നീക്കങ്ങള്ക്കെതിരായ പ്രചാരണം ശക്തമാക്കും.
