കാബൂള്‍: സ്ത്രീകളെ ഈദ് ആഘോഷങ്ങളില്‍ പങ്കെടുക്കുന്നതില്‍ നിന്നും വിലക്കി താലിബാന്‍. രണ്ട് ജില്ലകളില്‍ സ്ത്രീകളോട് ഈദ് ആഘോഷങ്ങളില്‍ പങ്കെടുക്കരുതെന്ന് ആവശ്യപ്പെട്ട് താലിബാന്‍ നോട്ടീസ് ഇറക്കി.
വടക്കന്‍ അഫ്ഗാനിസ്ഥാനിലെ ബഗ്ലാന്‍ ജില്ലയിലും വടക്ക് കിഴക്കന്‍ അഫ്ഗാനിസ്ഥാനിലെ തഖാര്‍ ജില്ലയിലും ആണ് താലിബാന്‍ നേതാക്കള്‍ വിലക്ക് ഏര്‍പ്പെടുത്തിയിരിക്കുന്നത്. ഈദുല്‍ഫിത്തര്‍ ആഘോഷങ്ങളില്‍ സ്ത്രീകള്‍ കൂട്ടമായി പോകുന്നത് വിലക്കിയിരിക്കുന്നു താലിബാന്‍ പുറത്തിറക്കിയ വിലക്കില്‍ പറയുന്നു.
സ്ത്രീകളും കൂടുംബവും റസ്റ്റോറന്‍റുകളില്‍ പോകുന്നത് വിലക്കിക്കൊണ്ട് താലിബാന്‍ ഈയിടെ പുറത്തിറക്കിയ ഉത്തരവിന്റെ തുടര്‍ച്ചയാണ് ഈദുല്‍ഫിത്തര്‍ വിലക്ക്. തോട്ടങ്ങള്‍ ഉള്ള റസ്റ്റോറന്‍റുകളില്‍ സ്ത്രീകള്‍ പോകുന്നത് വിലക്കിയത് മത പണ്ഡിതരുടെ ഉപദേശത്തെ തുടര്‍ന്നാണ്. കാരണം സ്ത്രീകള്‍ മറ്റുള്ളവരുമായി ഇടപഴകാന്‍ സാധ്യതയുള്ളതിനാലാണ് ഇത്.
