മാഡ്രിഡ് : റയല് മാഡ്രിഡ് മധ്യനിര താരം ടോണി ക്രൂസ് സീസണ് അവസാനത്തോടെ വിരമിക്കുമെന്നുളള അഭ്യൂഹങ്ങള്ക്ക് വിരാമം. ക്രൂസ് റയല് മാഡ്രിഡുമായി പുതിയ കരാറില് ഒപ്പുവച്ചതായാണ് റിപ്പോര്ട്ട്.
ഈ സീസണ് അവസാനത്തോടെ റയല് മാഡ്രിഡിലെ കരാര് അവസാനിക്കാന് ഇരിക്കെയാണ് ക്രൂസ് കരാര് ഒപ്പുവച്ചത്. അടുത്ത വര്ഷം ജൂണ് മാസം വരെയാണ് കരാര്.
തന്റെ അവസാന ക്ലബ് ആയിരിക്കും റയല് മാഡ്രിഡ് എന്ന് നേരത്തേ പറഞ്ഞിരുന്നു ക്രൂസ്. കരാര് പുതുക്കിയില്ലായിരുന്നു എങ്കില് ഫുട്ബോളില് നിന്നും വിരമിച്ചേനെ. മറ്റ് ക്ലബുകളുമായി താരം ചര്ച്ച നടത്തിയിരുന്നില്ല.
ക്രൂസ് റയല് മാഡ്രിഡില് എത്തുന്നത് 2014 ലാണ്. ക്ലബില് കളിക്കുമ്പോള് നാല് ചാമ്പ്യന്സ് ലീഗ് കിരീടങ്ങളും മൂന്ന് ലാലിഗ കിരീടവും അടക്കം 17 കിരീടങ്ങള് നേടി.
