തീയേറ്റര് ഓഫ് ഡ്രീംസും സരിഗമയും ചേര്ന്ന് നിര്മിക്കുന്ന ചിത്രം ബിഗ് ബഡ്ജറ്റ് ത്രില്ലര്. ‘കാപ്പ’യുടെ മികച്ച വിജയത്തിന് ശേഷം തീയേറ്റര് ഓഫ് ഡ്രീംസിന്റെ ബാനറില് ഡോള്വിന് കുര്യാക്കോസ്, ജിനു വി. എബ്രഹാം എന്നിവര്ക്കൊപ്പം സരിഗമയും ചേര്ന്ന് നിര്മിക്കുന്ന മമ്മൂട്ടി ചിത്രത്തിന്റെ ടൈറ്റില് പുറത്ത്. ഡീനോ ഡെന്നിസ് സംവിധാനം ചെയ്യുന്ന ചിത്രം വമ്പന് ബഡ്ജറ്റിലാണ് ഒരുങ്ങുന്നത്.
പ്രശസ്ത തിരക്കഥാകൃത്ത് കലൂര് ഡെന്നീസിന്റെ മകനാണ് ഡീനോ ഡെന്നിസ്. ഡീനോ തന്നെയാണ് ചിത്രത്തിന്റെ കഥയും തിരക്കഥയും ഒരുക്കുന്നത്. നിമിഷ് രവി ഛായാഗ്രഹണം നിര്വഹിക്കുന്ന ചിത്രത്തിനായി മിഥുന് മുകുന്ദന് സംഗീത സംവിധാനം നിര്വഹിക്കുന്നു. കലാസംവിധാനം അനീസ് നാടോടി, എഡിറ്റിങ്ങ് നിഷാദ് യൂസഫ്. മമ്മൂട്ടിക്കൊപ്പം ഗൗതം മേനോന്, ഷൈന് ടോം ചാക്കോ തുടങ്ങിയവരും അണിനിരക്കുന്നുണ്ട്.
മമ്മൂട്ടിക്കൊപ്പം ഗൗതം മേനോന് ആദ്യമായി അഭിനയിക്കുന്നു എന്ന പ്രത്യേകതയും കൂടിയുണ്ട്. ചിത്രത്തിന്റെ ഷൂട്ടിങ്ങ് ഈ മാസം അവസാനത്തോടെ ആരംഭിക്കും. ടോവിനോ തോമസിന്റെ ‘അന്വേഷിപ്പിന് കണ്ടെത്തും’ എന്ന ചിത്രമാണ് തീയേറ്റര് ഓഫ് ഡ്രീംസിന്റെ ബാനറില് ഒരുങ്ങുന്ന മറ്റൊരു ചിത്രം. നവാഗതനായ ഡാര്വിന് കുര്യാക്കോസാണ് ഈ ചിത്രം സംവിധാനം ചെയ്യുന്നത്. ഇന്വെസ്റ്റിഗേറ്റിവ് ത്രില്ലര് ജോണറിലാണ് ചിത്രം ഒരുങ്ങുന്നത്. ശബരിയാണ് പിആര്ഓ
