കോട്ടയം: പിണറായിയുടേത് ദളിത് വിരുദ്ധ സര്ക്കാരാണെന്ന് ബിജെപി സംസ്ഥാന ജനറല് സെക്രട്ടറി അഡ്വ.പി. സുധീര്. പട്ടികജാതി മോര്ച്ച മേഖല നേതൃതല സമ്മേളനം കോട്ടയത്ത് ഉദ്ഘാടനം ചെയ്യുകയായിരുന്നു അദ്ദേഹം.
പട്ടികവിഭാഗക്കാരുടെ ഭരണഘടനാപരമായ അവകാശങ്ങള് കവര്ന്നെടുക്കുകയും അട്ടിമറിക്കുകയുമാണ് പിണറായി സര്ക്കാര് ചെയ്യുന്നത്. പട്ടികജാതി വികസന പദ്ധതികള് പൂര്ണമായും സംസ്ഥാനത്തു നിലച്ചിരിക്കുകയാണ്. നഗരസഭകളും കോര്പറേഷനുകളിലും പട്ടികജാതി വികസന ഫണ്ടില് വ്യാപകമായി തട്ടിപ്പ് നടത്തുകയാണെന്നും അദ്ദേഹം ആരോപിച്ചു.
പട്ടികജാതി മോര്ച്ച സംസ്ഥാന പ്രസിഡന്റ് ഷാജുമോന് വട്ടേക്കാട് അധ്യക്ഷനായി. സംസ്ഥാന ജനറല് സെക്രട്ടറിമാരായ അഡ്വ. സ്വപ്നജിത്, പി.കെ. ബാബു. അഡ്വ. സന്ദീപ് കുമാര്. സി.എം. മോഹനന്, രമേശ് കാവിമറ്റം, രമേശ് കൊച്ചുമുറി, എന്.എം. രവി. സനു ശങ്കര്, കെ.ആര്. പ്രദീപ് എന്നിവര് സംസാരിച്ചു.
