പാലക്കാട്: കടയിലേക്കെന്നുപറഞ്ഞ് വീട്ടില് നിന്നിറങ്ങി കാണാതായ പ്ലസ് ടു വിദ്യാര്ത്ഥിനിയെ ആറുനില കെട്ടിടത്തില് നിന്ന് വീണുമരിച്ച നിലയില് കണ്ടെത്തി. പാലക്കാട് പേഴുങ്കര സ്വദേശി മുസ്തഫയുടെ മകന് അനസിനെയാണ് തൃശൂരിനു സമീപം മരിച്ച നിലയില് കണ്ടെത്തിയത്. ആത്മഹത്യയാണോ എന്ന് വ്യക്തമല്ല. കെട്ടിടത്തിന്റെ മുകളിൽ നിന്നും ചാടി മരിക്കുകയായിരുന്നുവെന്നാണ് പോലീസ് നിഗമനം.
തിങ്കളാഴ്ച മുതലാണ് അനസിനെ കാണാതായത്. കടയിലേക്കെന്നുപറഞ്ഞാണ് വീട്ടില് നിന്നിറങ്ങിയത്. ഏറെ അന്വേഷിച്ചിട്ടും കാണാതായതോടെ വീട്ടുകാര് പോലീസില് പരാതി നല്കി. തുടര്ന്ന് അനസിനെ ചാവക്കാട്ടുവച്ച് കണ്ടതായി വീട്ടുകാര്ക്ക് വിവരം ലഭിച്ചു. വീട്ടുകാര്ക്കൊപ്പം പോലീസും സ്ഥലത്തെത്തി അന്വേഷിച്ചെങ്കിലും കണ്ടെത്താനായില്ല. തുടര്ന്നും പോലീസ് അന്വേഷണം നടക്കുന്നതിനിടെയാണ് ഇന്ന് പുലര്ച്ചെ ഒന്നരയോടെ ആറുനില കെട്ടിടത്തിന് മുകളില് നിന്ന് വീണുമരിച്ചതായി വിവരം ലഭിച്ചത്.
ഇതിനിടെ അനസിന്റെ കൈവശമുണ്ടായിരുന്ന മൊബൈല്ഫോണ് ചാവക്കാട്ട് വിറ്റതായും വിവരം ലഭിച്ചിട്ടുണ്ട്. ബിഗ് ബസാർ സ്കൂളിൽ പ്ലസ് ടു വിദ്യാർത്ഥിയാണ് അനസ്.
