കോഴിക്കോട് : കോന്നി താലൂക്ക് ഓഫീസിലെ കൂട്ട അവധി വിവാദമായതിന് പിന്നാലെ കോഴിക്കോട് സബ് കളക്ടര്‍ ഓഫീസ് ജീവനക്കാരും കൂട്ട അവധിയെടുത്തിരുന്നതായി റിപ്പോര്‍ട്ട്. സബ് കളക്ടറുടെ വിവാഹത്തില്‍ പങ്കെടുക്കുന്നതിനായാണ് ജീവനക്കാര്‍ കൂട്ട അവധിയെടുത്തത്.
ഫെബ്രുവരി മൂന്നിന് വെള്ളിയാഴ്ച തിരുനെല്‍വേലിയില്‍ വച്ചാണ് വിവാഹം നടന്നത്. ഇതില്‍ പങ്കെടുക്കുന്നതിനായി 22 ജീവനക്കാരാണ് അവധിയെടുത്ത് പോയത്. 33 ജീവനക്കാരാണ് സബ് കളക്ടര്‍ ഓഫീസില്‍ ഉണ്ടായിരുന്നത്. ഭൂമി തരംമാറ്റം അടക്കം നിരവധി അപേക്ഷകളാണ് ഈ ഓഫീസില്‍ കെട്ടിക്കിടക്കുന്നത്. പരാതികള്‍ പരിഹരിക്കുന്നതിനായി ഡെപ്യൂട്ടേഷനില്‍ നിയോഗിക്കപ്പെട്ടവരാണ് ഈ ജീവനക്കാരില്‍ ഏറെയും.
