ന്യൂദല്ഹി: ഭൗമപ്രതിഭാസത്തെത്തുടര്ന്ന് വിള്ളലുണ്ടായ ഉത്തരാഖണ്ഡിലെ ജോഷിമഠില് സുരക്ഷിതമല്ലാത്ത മറ്റൊരു പാര്പ്പിട സമുച്ചയം കൂടി പൊളിച്ചു നീക്കാന് ചമോലി ജില്ലാ ഭരണകൂടം ഉത്തരവിട്ടു. ജോഷിമഠ് നഗരസഭാ പരിധിയില് ഏഴാം വാര്ഡിലാണ് അശാസ്ത്രീയമായി കെട്ടിടം നിര്മിച്ചിരുന്നത്.
അടുത്തിടെ നടത്തിയ സര്വേയില് കെട്ടിടം സുരക്ഷിതമല്ലെന്ന് കണ്ടെത്തിയിരുന്നു. കെട്ടിട ഉടമയില് നിന്ന് രേഖാമൂലം സമ്മതം വാങ്ങിയശേഷം ജില്ലാ മജിസ്ട്രേറ്റ് ഹിമാന്ഷു ഖുറാനയാണ് കെട്ടിടം പൊളിച്ചുമാറ്റാന് ഉത്തരവിട്ടത്. ഇത്തരത്തില് സുരക്ഷിതമല്ലാത്ത രണ്ട് കെട്ടിടങ്ങളും പിഡബ്ല്യുഡിയുടെ ഡാക് ബംഗ്ലാവും പൊളിച്ചുമാറ്റാന് ഖുറാന കഴിഞ്ഞ ദിവസം ഉത്തരവിട്ടിരുന്നു. അതേസമയം വിള്ളലുണ്ടായ പ്രദേശത്തെ 258 കുടുംബങ്ങളെ മാറ്റിപാര്പ്പിച്ചിട്ടുണ്ട്.
