തിരുവനന്തപുരം: ഈ വര്ഷത്തെ റിപ്പബ്ലിക് ദിനാഘോഷത്തിന്റെ ഭാഗമായി തിരുവനന്തപുരം സെന്ട്രല് സ്റ്റേഡിയത്തില് ഗവര്ണര് ആരിഫ് മുഹമ്മദ് ഖാന് ദേശീയ പതാക ഉയര്ത്തുകയും റിപ്പബ്ലിക് ദിന പരേഡില് അഭിവാദ്യം സ്വീകരിക്കുകയും ചെയ്യും. മന്ത്രി വി. ശിവന്കുട്ടി ചടങ്ങില് പങ്കെടുക്കും. മറ്റു ജില്ലകളില് മന്ത്രിമാര് അഭിവാദ്യം സ്വീകരിക്കും.
കൊല്ലം കെ.എന്. ബാലഗോപാല്, പത്തനംതിട്ട വീണ ജോര്ജ്ജ്, ആലപ്പുഴ സജി ചെറിയാന്, കോട്ടയം ജെ. ചിഞ്ചുറാണി, ഇടുക്കി റോഷി അഗസ്റ്റിന്, എറണാകുളം പി. രാജീവ്, തൃശൂര് കെ. രാജന്, പാലക്കാട് എം.ബി. രാജേഷ്, മലപ്പുറം കെ. കൃഷ്ണന്കുട്ടി, കോഴിക്കോട് എ.കെ. ശശീന്ദ്രന്, വയനാട് ഡോ. ആര്. ബിന്ദു, കണ്ണൂര് കെ. രാധാകൃഷ്ണന്, കാസര്ഗോഡ് അഹമ്മദ് ദേവര്കോവില് എന്നിങ്ങനെയാണ് വിവിധ ജില്ലകളില് മന്ത്രിമാര് അഭിവാദ്യം സ്വീകരിക്കുന്നത്.
