കൊറോണ പ്രമേയമാക്കി സൂരജ് സുകുമാരന് നായര് സംവിധാനം ചെയ്ത ചിത്രം റൂട്ട് മാപ്പ് പ്രേക്ഷക പ്രീതി നേടിക്കൊണ്ടിരിക്കുന്ന സമയത്ത് തന്റെ അടുത്ത ചിത്രത്തെക്കുറിച്ച് സംസാരിക്കുകയാണ് സൂരജ് സുകുമാര് നായര്. നിരവധി ഷോര്ട്ട് ഫിലിമുകളും ആല്ബങ്ങളും ചെയ്ത് ശ്രദ്ധേയനായ സംവിധായകന് ആണ് സൂരജ് സുകുമാര് നായര്.
ഡിസംബര് 24നു ആയിരുന്നു സൂരജ് സംവിധാനം ചെയ്ത റൂട്ട് മാപ്പ് സൈന പ്ലെയിലൂടെ റിലീസ് ചെയ്തത്. ചിത്രത്തിന് വന് സപ്പോര്ട്ടാണ് പ്രേക്ഷകരില് നിന്നും ലഭിച്ചിരിക്കുന്നത്. ഈ അവസരത്തില് ആണ് സൂരജ് തന്നെ പുതിയ ചിത്രത്തെക്കുറിച്ച് പറഞ്ഞു പറയുന്നത്. ഇതൊരു ഔദ്യോഗിക അറിയിപ്പും കൂടിയാണ്.
‘റൂട്ട് മാപ്പ് എന്നത് എന്റെ ഒരു കോവിഡ്കാല വാംഅപ്പ് ആയിരുന്നു. ഇനി വരാന് പോകുന്നതാണ് ഞാന് സ്വപ്നം കണ്ട സിനിമ. Something makes a boom സൂരജ് പറയുന്നു. കോവിഡ് കാലത്ത് എല്ലാ മേഖലകളും തകര്ന്നടിഞ്ഞ് നിശബ്ദമായിരുന്ന സമയത്ത് കുറച്ച് സിനിമ സ്നേഹികളും പ്രവര്ത്തകരും കൂടി ഒത്തൊരുമിച്ച് ചെയ്ത് സിനിമയാണ് റൂട്ട്മാപ്പ്.
കോവിഡിന് തൊട്ടുമുമ്പ് പൂജ കഴിഞ്ഞ ബി നിലവറയും ഷാര്ജ പള്ളിയും എന്ന മള്ട്ടി സ്റ്റാര് ചിത്രം ലോക്ഡൗണ് കാരണം അനിശ്ചിത കാലത്തേക്ക് നീങ്ങിയ സമയത്താണ് ഒരു അക്കാഡമിക്ക് പ്രോജക്ട് എന്നോ പരീക്ഷണമെന്നോ വിശേഷിപ്പിക്കാവുന്ന ഒരു ചിത്രവുമായി ഇറങ്ങിയത്. ഈ സിനിമയിലൂടെ കുറച്ച് നല്ല പ്രതിഭകളെയാണ് മലയാള ചലച്ചിത്ര ലോകത്തേക്ക് സൂരജ് സമര്പ്പിച്ചത്.
പുതുമുഖങ്ങളായ സിന്സീര് ദീപക്ക് ദിലീപ്, സജീര്, ഗോപു കിരണ് പൂജിത എന്നിവര്ക്കൊക്കെ അകമ്പടിയായി വന്നത് അസാധ്യമായ പ്രകടനങ്ങള് കാഴ്ചവെച്ച ഷാജു ശ്രീധര്, ആനന്ദ മന്മധന് സുനില് സുഗത തുടങ്ങിയവരായിരുന്നു. സംവിധായകന് ഡിജോ ജോസ് ആന്റണിയും ഒരു നല്ല കഥാപാത്രത്തെ അവതരിപ്പിച്ചിരുന്നു. തന്റെ പുതിയ സിനിമയുടെ തിരക്കഥരചനയിലാണ് സൂരജ് ഇപ്പോള്. ഉടന് തന്നെ സിനിമയുടെ ചിത്രീകരണം ആരംഭിക്കും എന്ന് സൂരജ് പറഞ്ഞു.
