തിരുവനന്തപുരം: ലഹരിക്കടത്ത് ഉള്പ്പെടെയുള്ള വിഷയങ്ങളില് നിന്നും ശ്രദ്ധതിരിക്കാനാണ് ക്രൈംബ്രാഞ്ച് ബിജെപി സംസ്ഥാന അദ്ധ്യക്ഷന് കെ.സുരേന്ദ്രനെതിരെ മഞ്ചേശ്വരം കേസില് കുറ്റപത്രം സമര്പ്പിച്ചതെന്ന് ബിജെപി സംസ്ഥാന ജനറല്സെക്രട്ടറി പി.സുധീര്. കെ. സുരേന്ദ്രനെതിരായ കള്ളക്കേസ് ബിജെപി രാഷ്ട്രീയമായും നിയമപരമായും നേരിടും.
പട്ടികജാതി പീഡന നിരോധന നിയമപ്രകാരമുള്ള കേസ് നിലനില്ക്കില്ല. സുന്ദര താന് സുരേന്ദ്രനെ കണ്ടിട്ടില്ലെന്ന് വെളിപ്പെടുത്തിയിട്ടും സര്ക്കാര് കേസ് എടുക്കുകയായിരുന്നു. ആലുവയിലുള്ള സിപിഎം പ്രവര്ത്തകനായ സുരേഷാണ് പട്ടികജാതി പീഡന നിരോധന നിയമപ്രകാരം കേസെടുക്കണമെന്ന് ആവശ്യപ്പെട്ട് മുഖ്യമന്ത്രിക്ക് കത്തയച്ചത്.
സിപിഎം ഗൂഢാലോചനയാണ് ഇതിലൂടെ വ്യക്തമാകുന്നത്. സുന്ദര ജോലി ചെയ്യുന്നത് സിപിഎമ്മിന്റെ സഹകരണ സ്ഥാപനത്തിലാണ്. എല്ലാ തിര!ഞ്ഞെടുപ്പുകളിലും റിബലായി മത്സരിക്കുന്ന സുന്ദരയെ സ്പോണ്സര് ചെയ്യുന്നത് സിപിഎമ്മും ലീഗും ചേര്ന്നാണെന്നും പി.സുധീര് പറഞ്ഞു.
