തിരുവനന്തപുരം: തലസ്ഥാന നഗരത്തിലെ ജനഹിതം നഷ്ടപ്പെട്ട നഗരസഭ പിരിച്ച് വിടാന്‍ സര്‍ക്കാര്‍ തയ്യാറാകണം. തിരുവനന്തപുരത്തെ നശിപ്പിക്കുന്ന സഭയായി നഗര ഭരണം മാറിയിരിക്കുന്നു. പോലീസിന്റെ അന്വേഷണം മേയറുടെ കത്തു പോലെ നാഥനില്ലാതെ അലയുകയാണ്.
മുഖ്യമന്ത്രിയ്‌ക്ക് മേയര്‍ പരാതിനല്‍കിയത് കേസ് അട്ടിമറിക്കാനായിരുന്നു എന്നത് ഇപ്പോള്‍ സത്യമാകുന്നു എന്ന് ബിജെപി ജില്ലാ വൈസ് പ്രസിഡന്റ ആര്‍.എസ് രാജീവ്. കോര്‍പ്പറേഷന്‍ ധര്‍ണ്ണയില്‍ അഭിപ്രായപ്പെട്ടു. ബിജെപി ഉള്ളൂര്‍ മണ്ഡലം പ്രസിഡന്റ് മണികണ്ഠന്‍ അദ്ധ്യക്ഷത വഹിച്ചു.
ബിജെപി നേതാക്കളായ ചെമ്പഴന്തി ഉദയന്‍ കരമന അജിത്ത്, തിരുമല അനില്‍, മജ്ഞു തിരുമല, കഴക്കൂട്ടം അനില്‍, ശ്യാം മിനി പി. എസ്. കൗണ്‍സിലര്‍മാരായ ഗായത്രി, ശിവകുമാര്‍ എന്നിവര്‍ ധര്‍ണ്ണയ്‌ക്ക് നേതൃത്ത്വം നല്‍കി. 40 വര്‍ഷം നഗരത്തെ പിറകിലോട്ട് നയിച്ചു പ്രവര്‍ത്തനം ചൂണ്ടികാട്ടി നഗരസഭാ കവാടത്തിലേക്ക്് പ്രവര്‍ത്തകര്‍ പിന്നോക്ക മാര്‍ച്ച് നടത്തി.
