ന്യൂദല്ഹി : രാഹുല് ഗാന്ധി നയിച്ച ഭാരത് ജോഡോ യാത്രയെ കേരള നേതാക്കള് പരിഹസിച്ചപ്പോള് പുകഴ്ത്തലുമായി സിപിഎം കേന്ദ്ര നേതൃത്വം. യാത്രയ്ക്ക് ഇന്ത്യയില് മികച്ച പ്രതികരണങ്ങളാണ് ലഭിച്ചതെന്നാണ് കേന്ദ്ര റിപ്പോര്ട്ടില് പറയുന്നത്.
രാഹുലിന്റേത് കണ്ടെയ്നര് യാത്രയാണെന്നും, യാത്രയുടെ കൂടുതല് ദിവസങ്ങള് കേരളത്തിലാണെന്നും എം. സ്വരാജും എം.വി. ഗോവിന്ദന് അടക്കമുള്ള നേതാക്കള് പ്രതികരിച്ചിരുന്നത്. അതിനിടയിലാണ് കേന്ദ്ര കമ്മിറ്റിയുടെ റിപ്പോര്ട്ടില് ഇതിനെ പുകഴ്ത്തി റിപ്പോര്ട്ട് നല്കിയിരിക്കുന്നത്.
‘രാഹുല് ഗാന്ധി നയിക്കുന്ന കന്യാകുമാരിയില് നിന്ന് ശ്രിനഗര് വരയുള്ള നൂറ്റമ്പത് ദിവസത്തെ ഭാരത് ജോഡോ യാത്രക്ക് തെക്കെ ഇന്ത്യയില് നിന്നും നല്ല പ്രതികരണമാണ് ലഭിച്ചത്. ബിജെപിക്ക് കൂടുതല് സ്വാധീനമുള്ള പ്രദേശങ്ങളിലെ ജനങ്ങളില് നിന്നും യാത്രക്ക് ഏത് രീതിയിലുള്ള പ്രതികരണമാകും ലഭിക്കുകയെന്നതാണ് ഇനി ഉറ്റുനോക്കപ്പെടുന്നതെന്നുമാണ് റിപ്പോര്ട്ടില് പരാമര്ശിച്ചിരുന്നത്.
അതേസമയം ഈ റിപ്പോര്ട്ട് കേന്ദ്ര കമ്മിറ്റി അംഗീകരിക്കുകയും ചെയ്തിരുന്നു. എന്നാല് കേരളത്തിലെ സിപിഎം രൂക്ഷ ഭാഷയില് വിമര്ശിച്ചതൊന്നും കേന്ദ്ര കമ്മിറ്റി റിപ്പോര്ട്ടിലില്ല.
