ന്യൂദല്ഹി: ഇന്ത്യന് വിദേശകാര്യമന്ത്രി എസ്. ജയശങ്കറിനെ വാനോളം പുകഴ്ത്തി യുഎഇയുടെ മന്ത്രി ഒമര് സുല്ത്താന് അല് ഒലാമ. യുഎഇയുടെ ആര്ട്ടിഫിഷ്യല് ഇന്റലിജന്സ് വകുപ്പിന്റെ സഹമന്ത്രിയാണ്.
ഭൗമരാഷ്ട്രീയ രംഗത്ത് യുദ്ധവും സംഘര്ഷവും നടക്കുന്നതിനിടയില് ഇന്ത്യയുടെ വിദേശകാര്യ നയം കൃത്യമായി ലോകനിലവാരത്തില് അടയാളപ്പെടുത്തുന്ന മന്ത്രി ജയശങ്കറിന്റെ രീതിയാണ് തന്നെ ആകര്ഷിച്ചതെന്ന് ഒമര് സുല്ത്താന് അല് ഒലമ പറഞ്ഞു.
ദല്ഹി കേന്ദ്രമായ ഒരു തിങ്കടാങ്കിന്റെ കോണ്ഫറന്സിനിടയിലായിരുന്നു യുഎഇ മന്ത്രി ജയശങ്കറിനെ പുകഴ്ത്തിയത്. “ലോകം എല്ലാകാലത്തും ഏകപക്ഷീയമോ, ഇരട്ടപക്ഷങ്ങളുള്ളതോ, മൂന്ന് പക്ഷങ്ങളുള്ളതോ ഒക്കെ ആയിരുന്നു, അവിടെയാണ് നമുക്ക് നിലപാട് എടുക്കേണ്ടി വരുന്നത്. ഇന്ത്യയുടെ വിദേശമന്ത്രിയുടെ നിലപാടുകളില് ആകൃഷ്ടനാണ് ഢാന്. ഞാന് അദ്ദേഹത്തിന്റെ ചില പ്രസംഗങ്ങള് കണ്ടു.” – അദ്ദേഹം പറഞ്ഞു.
