തിരുവനന്തപുരം: മാലിന്യ സംസ്കരണവുമായി ബന്ധപ്പെട്ട നിയമലംഘനങ്ങള് കണ്ടെത്തി നടപടി സ്വീകരിക്കുന്നതിന് തദ്ദേശസ്വയംഭരണവകുപ്പ് പ്രത്യേക ജില്ലാതല എന്ഫോഴ്സ്മെന്റ് സ്ക്വാഡ് സംവിധാനം ഏര്പ്പെടുത്തുന്നു.
മിന്നല് പരിശോധന നടത്തി സ്പോട്ട് ഫൈന് ഈടാക്കാനും ലൈസന്സ് റദ്ദ് ചെയ്യാനുമുള്പ്പെടെ അധികാരമുള്ള സംവിധാനമാണ് ഏര്പ്പെടുത്തുന്നത്. സംസ്ഥാനത്താകെ 23 സ്ക്വാഡാണ് ആദ്യഘട്ടത്തില് നിയോഗിക്കപ്പെടുക. പത്തനംതിട്ട, ആലപ്പുഴ, ഇടുക്കി, വയനാട്, കാസര്കോട് ജില്ലകളില് ഒരു സ്ക്വാഡും മറ്റ് ജില്ലകളില് രണ്ട് സ്ക്വാഡ് വീതവുമാണ് പ്രവര്ത്തിക്കുക.
