ന്യൂദല്ഹി : നടിയെ ആക്രമിച്ച കേസില് വിചാരണക്കോടതി മാറ്റണമെന്ന അതിജീവിതയുടെ ഹര്ജി സുപ്രീംകോടതി തള്ളി. ഭര്ത്താവിനെതിരെ ആരോപണം ഉള്ളത് കൊണ്ട് ജഡ്ജിയെ എങ്ങനെ സംശയത്തില് നിര്ത്താനാകും. വിചാരണ നടത്തുന്ന ജഡ്ജിയോട് വായ അടച്ച് ഇരിക്കാന് പറയാനാകില്ലെന്നും ഹര്ജി പരിഗണിക്കവേ ജസ്റ്റിസ് അജയ് രസ്തോഗി വ്യക്തമാക്കി. ്
ജഡ്ജി പ്രതിയുമായി നേരിട്ട് ആശയ വിനിമയം നടത്തിയിട്ടുണ്ടോ. ഇതിന് തെളിവുകളില്ല. ഹൈക്കോടതി തീരുമാനം എടുത്തതില് സുപ്രിം കോടതി തീരുമാനം എടുക്കുന്നത് നല്ല കീഴ് വഴക്കമല്ല. ജുഡീഷ്യല് ഉദ്യാഗസ്ഥയെ സമ്മര്ദ്ദത്തിലാക്കാന് ഇത്തരം ഹര്ജികള് ഇടയാക്കില്ലേയെന്നും ജഡ്ജി ചോദിച്ചു.
വിചാരണക്കോടതി ജഡ്ജിയുടെ ഭര്ത്താവുമായി കേസിലെ മുഖ്യപ്രതി ദിലീപിന് അടുത്ത ബന്ധമുണ്ട്. പോലീസിന് ലഭിച്ച വോയിസ് ക്ലിപ്പില് ഇക്കാര്യം ചൂണ്ടിക്കാട്ടുന്നുണ്ടെന്നും അതിജീവിത ഹൈക്കോടതിയില് നേരത്തെ ഹര്ജി നല്കിയതാണ്. എന്നാല് ഹര്ജി ഹൈക്കോടതി തള്ളിയതോടെയാണ് സുപ്രീംകോടതിയെ സമീപിച്ചത്. ജഡ്ജി ഹണി എം.വര്ഗീസ് വിചാരണ നടത്തിയാല് തനിക്ക് നീതി ലഭിക്കില്ലെന്നും നീതിയുക്തവുമായ വിചാരണ ഉണ്ടാകില്ലെന്ന ആശങ്ക ഉണ്ടെന്നും അതിജീവിത കോടതിയില് വാദിച്ചിരുന്നു.
