ന്യൂദല്ഹി: പ്രധാനമന്ത്രി നരേന്ദ്ര മോദി ഒക്ടോബര് 19,20 തീയതികളില് ഗുജറാത്ത് സന്ദര്ശിക്കും. യാത്രയുടെ ഭാഗമായി ഏകദേശം 15,670 കോടി രൂപയുടെ പദ്ധതികളുടെ സമര്പ്പണവും തറക്കല്ലിടല് നടത്തുകയും ചെയ്യും.
ഒക്ടോബര് 19ന് രാവിലെ ഗാന്ധിനഗറിലെ മഹാത്മാ മന്ദിര് കണ്വെന്ഷന് ആന്ഡ് എക്സിബിഷന് സെന്ററില് പ്രധാനമന്ത്രി ഡിഫ്എക്സ്പോ 22 പ്രധാനമന്ത്രി ഉദ്ഘാടനം ചെയ്യും. ഉച്ചയ്ക്ക് അദാലാജില് മിഷന് സ്കൂള് ഓഫ് എക്സലന്സിന്റെ ഉദ്ഘാടനം നിര്വഹിക്കും. തുടര്ന്ന് ജുനഗഡില് വിവിധ വികസന പദ്ധതികള്ക്ക് അദ്ദേഹം ശിലാസ്ഥാപനം നടത്തും.
വൈകുന്നേരം അദ്ദേഹം ഇന്ത്യ അര്ബന് ഹൗസിംഗ് കോണ്ക്ലേവ് 2022 ഉദ്ഘാടനം ചെയ്യുകയും രാജ്കോട്ടില് പ്രധാനപ്പെട്ട വിവിധ പദ്ധതികളുടെ സമര്പ്പണവും തറക്കല്ലിടലും നടത്തുകയും ചെയ്യും. രാജ്കോട്ടില് നടക്കുന്ന നൂതന നിര്മാണ പ്രവര്ത്തനങ്ങളുടെ പ്രദര്ശനവും അദ്ദേഹം ഉദ്ഘാടനം ചെയ്യും.
ഒക്ടോബര് 20ന് രാവിലെ കെവാഡിയയില് പ്രധാനമന്ത്രി മിഷന് ലൈഫിന്റെ ഉദ്ഘാടനം നിര്വഹിക്കും. കെവാഡിയയില് നടക്കുന്ന മിഷന് മേധാവികളുടെ പത്താമത് സമ്മേളനത്തിലും പ്രധാനമന്ത്രി പങ്കെടുക്കും. തുടര്ന്ന് വ്യാരയില് അദ്ദേഹം വിവിധ വികസന സംരംഭങ്ങള്ക്ക് തറക്കല്ലിടും.
