തിരുവല്ല: മദ്യപിച്ച് വാഹനമോടിച്ച് അപകടം സൃഷ്ടിച്ച പുളിക്കീഴ് പോലീസ് സ്റ്റേഷൻ എസ്.ഐ സാജൻ പീറ്ററിനെ സ്ഥലം മാറ്റി. പത്തനംതിട്ട സ്റ്റേഷനിലേക്കാണ് മാറ്റിയത്. മദ്യപിച്ച് വാഹനം ഓടിച്ച് അപകടം ഉണ്ടാക്കിയതിനാണ് നടപടി. സാജൻ പീറ്ററിനെതിരെ വകുപ്പ്തല അന്വേഷണത്തിന് കോട്ടയം ജില്ല പൊലീസ് മേധാവി തിരുവല്ല ഡിവൈ.എസ്.പി ടി. രാജപ്പൻ നിർദേശം നൽകിയിരുന്നു. അന്വേഷണത്തിൽ സാജൻ പീറ്റർ മദ്യപിച്ചിരുന്നതായി കണ്ടെത്തിയിരുന്നു.
ശനിയാഴ്ച ഉച്ചക്ക് മൂന്ന് മണിയോടെ നിരണം ഡക്ക് ഫാമിന് സമീപം സാജൻ പീറ്റർ സഞ്ചരിച്ച കാർ ഇരുചക്ര വാഹനത്തിൽ ഇടിച്ചിരുന്നു. വാഹനം നിർത്താതെപോയ സാജനെ നിരണത്തെ വനിത സുഹൃത്തി‍െൻറ വീട്ടിൽനിന്ന് പിന്തുടർന്ന് നാട്ടുകാർ പിടികൂടിയിരുന്നു. എസ്.ഐ മദ്യപിച്ചിരുന്നതായി സ്ഥലത്തെ പഞ്ചായത്ത് അംഗം അടക്കം പോലീസിനെ അറിയിച്ചിരുന്നു.
നാട്ടുകാർ അറിയിച്ചതിനെ തുടർന്ന് പോലീസുകാർ എത്തിയാണ് ഇദ്ദേഹത്തെ പുളിക്കീഴ് സ്റ്റേഷനിലേക്ക് കൊണ്ടുപോയത്.
