തിരുവനന്തപുരം: കേരള, കണ്ണൂര്, എംജി സര്വകലാശാലകള് വെള്ളിയാഴ്ച (സെപ്റ്റംബര് 23) നടത്താനിരുന്ന എല്ലാ പരീക്ഷകളും (തിയറി, പ്രാക്ടിക്കല്, വൈവ) മാറ്റി. എന്ഐഎ അറസ്റ്റില് പ്രതിഷേധിച്ച് പോപ്പുലര് ഫ്രണ്ട് സംസ്ഥാനത്ത് ഹര്ത്താല് പ്രഖ്യാപിച്ച പശ്ചാത്തലത്തിലാണ് തീരുമാനം. പുതുക്കിയ തീയതി പിന്നീട് പ്രഖ്യാപിക്കും.
എന്നാല് വെള്ളിയാഴ്ച നടത്താന് നിശ്ചയിച്ചിരുന്ന പി എസ് സി പരീക്ഷകള്ക്ക് മാറ്റമില്ല. പരീക്ഷകള് മുന്നിശ്ചയിച്ച പ്രകാരം നടക്കുമെന്ന് കേരള പിഎസ്സി നേരത്തെ വ്യക്തമാക്കിയിരുന്നു. രാവിലെ ആറു മുതല് വൈകീട്ട് ആറുവരെയാണ് ഹര്ത്താല്.അതേസമയം വെള്ളിയാഴ്ച സര്വീസുകള് മുടക്കമില്ലാതെ നടത്തുമെന്ന് കെഎസ്ആര്ടിസി അറിയിച്ചിട്ടുണ്ട്.
