കൊല്ലം: ജില്ലയിലെ 68 ഗ്രാമ പഞ്ചായത്തുകളെയും പേവിഷ വിമുക്തമാക്കാനുള്ള സമഗ്ര പദ്ധതിക്ക് തുടക്കമായി. ഇതിന്റെ ഭാഗമായുള്ള തെരുവ് നായ ജനന നിയന്ത്രണ ശസ്ത്രക്രിയ പദ്ധതി (എബിസി)യുടെ ഉദ്ഘാടനം കൊട്ടിയത്ത് ജില്ലാ പഞ്ചായത്ത് പ്രസിഡണ്ട് സാം കെ. ഡാനിയല് നിര്വഹിച്ചു
വീടുകളില് വളര്ത്തുന്ന നായ്ക്കള്ക്ക് പേവിഷ പ്രതിരോധ കുത്തിവെപ്പ് നല്കുന്ന മാസ് ഡ്രൈവ്, തെരുവ് നായ്ക്കള്ക്ക് സ്പോട്ട് വാക്സിനേഷന്, ജനന നിയന്ത്രണ ശസ്ത്രക്രിയ ക്യാമ്പുകള്, അലഞ്ഞു തിരിയുന്ന നായ്ക്കള്ക്കുള്ള അഭയകേന്ദ്രം എന്നിവയാണ് പദ്ധതിയുടെ പ്രധാന ഘടകങ്ങള്.
തെരുവില് പ്രസവിച്ചു വീഴുന്ന നായ് കുട്ടികളെ അവിടെ തന്നെ ഉടന് വസ്യംകരിക്കുന്ന എന്ഡ് ഇതോടൊപ്പം നടക്കും. കൊല്ലം ജില്ലാ പഞ്ചായത്തും മൃഗസംരക്ഷണ വകുപ്പും സംയുക്തമായാണ് പദ്ധതി നടപ്പാക്കുക.
ജില്ലയിലെ 82,000ഓളം വരുന്ന വളര്ത്തുനായ്ക്കള്ക്കും 28,000 ഓളം വരുന്ന പൂച്ചകള്ക്കും പേവിഷ പ്രതിരോധ കുത്തിവെപ്പു നല്കി ലൈസന്സ് നല്കുന്ന സീറോ റാബിസ് ക്യാംപയിന് ആരംഭിച്ചു. ഇതിനായി ഒരു ലക്ഷം ഡോസ് വാക്സിന് സംഭരിച്ചിട്ടുണ്ട്. സപ്തംബര് 20 വരെ നീളുന്ന മാസ് വാക്സിനേഷന് ക്യാമ്പുകള്ക്കാണ് വകുപ്പ് നേതൃത്വം നല്കുന്നത് ഗവ. മൃഗാശുപത്രികള് കേന്ദ്രീകരിച്ചും വാര്ഡുതല കേന്ദ്രങ്ങളൊരുക്കിയുമാണ് ക്യാമ്പുകള് സംഘടിപ്പിക്കുക. എബിസി പദ്ധതിക്കായി 12 ശസ്ത്രക്രിയ കേന്ദ്രങ്ങള് സജ്ജമാക്കിയിട്ടുണ്ട്.
പുനുക്കന്നുര്, കല്ലുവാതുക്കല്, ആദിച്ചനല്ലൂര്, കുഴിമതിക്കാട്, ശാസ്താംകോട്ട, പത്തനാപുരം, പന്മന, ചിറക്കര, വെഞ്ചേമ്പ്, ചിതറ, കടയ്ക്കല്, തേവലപ്പുറം, കൊല്ലം വെറ്റ് ക്രോസ് ഹോസ്പിറ്റല് എന്നിവിടങ്ങളാണ് ആദ്യഘട്ട എബിസി കേന്ദ്രങ്ങള്.
