തിരുവനന്തപുരം:ഭക്ഷണം നല്കുന്നതിനിടെ സീരിയല് നടിയുടെ കൈവിരലും കൈപ്പത്തിയും ആഹാരം നല്കുന്നതിനിടെ തെരുവുനായ കടിച്ച് പറിച്ചു. സീരിയല് നടിയും ആകാശവാണി ആര്ട്ടിട്ടിസ്റ്റുമായിരുന്ന ഭരതന്നൂര് കൊച്ചുവയല് വാണിഭശ്ശേരിവീട്ടില് ഭരതന്നൂര് ശാന്ത (64)യുടെ കൈവിരലുകളിലാണ് കടിയേറ്റത്.
അലഞ്ഞുനടക്കുന്ന നായകള്ക്ക് ഭരതന്നൂര് ശാന്ത ഭക്ഷണം നല്കുന്നത് പതിവായിരുന്നു. വ്യാഴാഴ്ച വൈകുന്നേരത്തോടെയാണ് സംഭവം. തെരുവിലയുന്ന നായകള്ക്ക് ശാന്ത വീട്ടില് ഭക്ഷണം പാകംചെയ്ത് ജങ്ഷനില് കൊണ്ടുവന്ന് കൊടുക്കാറുണ്ട്. ബുധനാഴ്ച ഭക്ഷണം കൊടുക്കുന്നതിനിടയിലാണ് ഒരു തെരുവുനായ കടിച്ചത്. ഏകദേശം 50ഓളം തെരുവുപട്ടികള് ഇവിടെ അലഞ്ഞുതിരിയുന്നതായി പറയുന്നു.
വലതുകൈക്ക് പരിക്കേറ്റ ശാന്തയെ തിരുവനന്തപുരം മെഡിക്കല് കോളേജ് ആശുപത്രിയിലേക്കു മാറ്റി. കടിച്ചത് പേപ്പട്ടിയാണെന്ന് സംശയിക്കുന്നതായി നാട്ടുകാര് പറഞ്ഞു.
