മുംബൈ: ന്യൂസിലന്ഡ് എ ടീമിനെതിരായ ഏകദിന പരമ്പരയില് ഇന്ത്യന് എ ടീമിനെ മലയാളി താരം സഞ്ജു സാംസണ് നയിക്കും. ഇന്നു ചേര്ന്ന സെലക്ഷന് കമ്മിറ്റി യോഗത്തിനു ശേഷമാണ് സഞ്ജുവിനെ നായകനായി പ്രഖ്യാപിച്ചത്. സെപ്റ്റംബര് 22 മുതല് ചെന്നൈയിലാണ് മൂന്നു മത്സര ഏകദിന പരമ്പര നടക്കുന്നത്.
ആദ്യ മത്സരം 22നും രണ്ടാം മത്സരം 25നും അരങ്ങേറും. 27നാണ് പരമ്പരയിലെ അവസാന മത്സരം. സഞ്ജുവിനു പുറമേ ഇന്ത്യന് യുവതാരങ്ങളായ പൃഥ്വി ഷാ, അഭിമന്യൂ ഈശ്വരന്, റുതുരാജ് ഗെയ്ക്ക്വാദ്, ഷാര്ദ്ദൂല് താക്കൂര്, ഉമ്രാന് മാലിക്ക് എന്നിവരും ടീമില് ഇടംപിടിച്ചിട്ടുണ്ട്.
നേരത്തെ ട്വന്റി 20 ക്രിക്കറ്റ് ലോകകപ്പിനുള്ള ഇന്ത്യന് ടീമിനെ പ്രഖ്യാപിച്ചപ്പോള് സഞ്ജു സാംസണെ ഒഴിവാക്കിയത് ഏറെ വിവാദങ്ങള് സൃഷ്ടിച്ചിരുന്നു.
ഇന്ത്യ എ ടീം ടീം: സഞ്ജു സാംസണ്(നായകന്), പൃഥ്വി ഷാ, അഭിമന്യൂ ഈശ്വരന്, റുതുരാജ് ഗെയ്ക്ക്വാദ്, രാഹുല് ത്രിപാഠി, രജത് പാട്ടീദാര്, കെ.എസ്. ഭരത്, കുല്ദീപ് യാദവ്, ഷഹബാസ് അഹമ്മദ്, രാഹുല് ചഹാര്, തിലക് വര്മ, കുല്ദീപ് സെന്, ഷാര്ദ്ദൂല് താക്കൂര്, ഉമ്രാന് മാലിക്ക്, നവ്ദീപ് സൈനി, രാജ് അംഗദ് ബാവ.
