മുംബൈ: ബോളിവുഡ് നടനും നിരൂപകനുമായ കമാല് റഷിദ് ഖാന് എന്ന കെആര്കെ അറസ്റ്റില്. നടിയെ ലൈംഗിക ബന്ധത്തിന് പ്രേരിപ്പിച്ചുവെന്ന കേസിലാണ് താരം പിടിയിലായത്. യുവനടിയും മോഡലും ഫിറ്റ്നസ് പരിശീലകയുമായ യുവതിയുടെ പരാതിയിലാണ് മുംബൈ വെര്സോവ പൊലീസ് കമാല് ആര് ഖാനെ അറസ്റ്റ് ചെയ്തത്.
2019 ലെ സംഭവത്തില് 2021 ലാണ് കെ.ആര്.കെയ്ക്കെതിരെ യുവതി പരാതി നല്കുന്നതും കേസ് രജിസ്റ്റര് ചെയ്തതും. ഇതിന് പുറമെ സമൂഹമാദ്ധ്യമങ്ങളിലൂടെ അപകീര്ത്തികരമായ പരാമര്ശങ്ങള് നടത്തിയ മറ്റൊരു കേസില് 14 ദിവസത്തേക്ക് താരത്തെ ജുഡീഷ്യല് കസ്റ്റഡിയില് വിട്ടിരിക്കുകയാണ്. 2020ല് ഇര്ഫാന് ഖാന്, ഋഷി കപൂര് എന്നിവര്ക്കെതിരെ നടത്തിയ വിദ്വേഷ പരാമര്ശങ്ങളാണ് കേസിന് ആസ്പദം. യുവസേന അംഗം രാഹുല് കനാല് ആണ് നടനെതിരെ മലാഡ് പൊലീസ് സ്റ്റേഷനില് പരാതി നല്കിയത്.
