ധാക്ക : ഉക്രൈനില് കുടുങ്ങിയ ഇന്ത്യന് വിദ്യാര്ത്ഥികള്ക്കൊപ്പം തങ്ങളുടെ കുട്ടികളേയും രക്ഷിച്ചതിന് ഇന്ത്യന് പ്രധാനമന്ത്രി നരേന്ദ്രമോദിക്ക് നന്ദി പറഞ്ഞ് ബംഗ്ലാദേശ് പ്രധാനമന്ത്രി ഷെയ്ഖ് ഹസീന. തിങ്കളാഴ്ച ഇന്ത്യ സന്ദര്ശിക്കാനിരിക്കെയാണ് ബംഗ്ലാദേശ് പ്രധാനമന്ത്രിയുടെ ഈ പ്രസ്താവന.
റഷ്യ- ഉക്രൈന് യുദ്ധം തുടങ്ങിയതോടെ നിരവധി ഇന്ത്യന് വിദ്യാര്ത്ഥികള് അവിടെ കുടുങ്ങിപ്പോയിരുന്നു. അവരെ നാട്ടില് എത്തിക്കുന്നതിനൊപ്പം ഇന്ത്യ അയല് രാജ്യത്തുനിന്നുള്ളവരേയും ഒപ്പം കൂട്ടിയിരുന്നു. ‘റഷ്യ ഉക്രൈന് യുദ്ധത്തെത്തുടര്ന്നു നാട്ടില് തിരികെ എത്താന് കഴിയാതെ പോയ ഞങ്ങളുടെ വിദ്യാര്ഥികള് പോളണ്ടില് അഭയം പ്രാപിച്ചു. അവിടെനിന്നും നിങ്ങളുടെ കുട്ടികള്ക്കൊപ്പം ഞങ്ങളുടെ കുട്ടികളെയും ഒഴിപ്പിച്ചു. സൗഹൃദ പെരുമാറ്റമാണ് അവിടെ കണ്ടത്. പ്രധാനമന്ത്രി മോദിയോടു നന്ദി പറയുന്നവെന്നായിരുന്നു ഷെയ്ഖ് ഹസീന അറിയിച്ചത്.
ഇതോടൊപ്പം അയല്രാജ്യങ്ങള്ക്കും കോവിഡ് വാക്സിന് നല്കാന് ഇന്ത്യ തയ്യാറായതിനെയും അവര് പ്രശംസിച്ചു. ഇന്ത്യയും ബംഗ്ലദേശും തമ്മിലുള്ള അടുത്ത സഹകരണത്തിനാണ് സന്ദര്ശനത്തില് പ്രാധാന്യം നല്കുന്നത്. രാജ്യങ്ങള് തമ്മില് അഭിപ്രായ വ്യത്യാസങ്ങളുണ്ടാകാം, അവ ചര്ച്ചയിലൂടെ പരിഹരിക്കാം. നിരവധി ഘട്ടങ്ങളില് ഇന്ത്യയും ബംഗ്ലദേശും അത് കൃത്യമായി നിര്വഹിച്ചിട്ടുണ്ടെന്നും അവര് കൂട്ടിച്ചേര്ത്തു.
