പുനലൂര്: സിപിഎം വിട്ട് ബിജെപിയില് ചേര്ന്ന പഞ്ചായത്തംഗത്തിന്റെ മേല് സിപിഎം പ്രവര്ത്തകര് കരിഓയില് ഒഴിച്ചു. ആര്യങ്കാവ് പഞ്ചായത്തിലെ കഴുതുരുട്ടി വാര്ഡ് അംഗം മാമ്പഴത്തറ സലീമിന്റെ ദേഹത്താണ് കരിഓയില് ഒഴിച്ചത്. എല്ഡിഎഫ് സീറ്റില് മത്സരിച്ചിട്ട് ബിജെപിയിലേക്ക് പോയ സലീം രാജിവെക്കണമെന്നാവശ്യപ്പെട്ട് എല്ഡിഎഫ് പ്രവര്ത്തകര് രാജിവെക്കണമെന്നാവശ്യപ്പെട്ട് എല്ഡിഎഫ് പ്രവര്ത്തകര് നടത്തിയ പ്രതിഷേധത്തിനിടെയായിരുന്നു സംഭവം നടന്നത്. ഒരാഴ്ച മുമ്പ് പ്രതിഷേധത്തെ തുടര്ന്ന് മാറ്റിവെച്ച പഞ്ചായത്ത് കമ്മറ്റിക്ക് വ്യാഴാഴ്ച രാവിലെ പത്തരയോടെ സലിം എത്തിയപ്പോഴായിരുന്നു എല്ഡിഎഫിന്റെ പ്രതിഷേധം.
കരി ഓയില് നിരവധി പൊലീസുകാരുടെ ദേഹത്തും വീണു. സംഭവത്തില് അഞ്ച് എല്ഡിഎഫ് പ്രവര്ത്തകരെ പൊലീസ് കസ്റ്റഡിയിലെടുത്തു. സലീം ബിജെപി സംസ്ഥാന കമ്മറ്റിയംഗവും കഴുതുരുട്ടി വാര്ഡ് അംഗവുമായിരുന്നു. അഭിപ്രായ വ്യത്യാസത്തെ തുടര്ന്ന് കുറച്ചു നാള് മുന് പാര്ട്ടി വിട്ടു. പിന്നീട് കഴിഞ്ഞ ഡിസംബറില് പുനലൂര് ഏരിയ സമ്മേളന വേദിയില് ധനമന്ത്രി കെഎന് ബാലഗോപാല് പങ്കെടുത്ത ചടങ്ങിലാണ് സലീം സിപിഎമ്മില് ചേര്ന്നത്. തുടര്ന്ന് നടന്ന കഴുതുരുട്ടി വാര്ഡ് ഉപതെരഞ്ഞെടുപ്പില് വിജയിച്ചു. എന്നാല്, സിപിഎം നേതൃത്വത്തെ സലീമിനെ അവഗണിക്കുകയും അവഹേളിക്കുകയും ചെയ്തതോടെ സലീം ബിജെപിയിലേക്ക് വീണ്ടും മടങ്ങിയത്. മേഖലയിലെ സിപിഎമ്മിന്റെ പ്രധാന നേതാവായിരുന്നു സലിം. ലോക്കല് സെക്രട്ടറി, പഞ്ചായത്ത് വൈസ് പ്രസിഡന്റ്, പ്രസിഡന്റ്, അഞ്ചല് ബ്ലോക്കംഗം എന്നീ സ്ഥാനങ്ങള് വഹിച്ചിരുന്നു. പിന്നീട് സിപിഎം വിട്ട് കോണ്ഗ്രസില് ചേര്ന്ന ശേഷമാണ് സലിം ബിജെപിയില് എത്തിയത്.
