തിരുവനന്തപുരം : കുട്ടികളെ ഒരുമിച്ചിരുത്തി പഠിപ്പിക്കുമെന്ന് എവിടേയും പറഞ്ഞിട്ടില്ല. വിദ്യാലയങ്ങളില് ലിംഗ സമത്വം അടിച്ചേല്പ്പിക്കാന് ഉദ്ദേശിക്കുന്നില്ലെന്ന് വിദ്യാഭ്യാസ മന്ത്രി വി. ശിവന്കുട്ടി. തിരുവനന്തപുരത്ത് വിഷയത്തില് മാധ്യമങ്ങളോട് പ്രതികരിക്കുകയായിരുന്നു അദ്ദേഹം.
ആള്കുട്ടികളും പെണ്കുട്ടികളും അടുത്തടുത്ത് ഇരിക്കാന് പാടില്ലെന്നൊരു പ്രസ്താവന കഴിഞ്ഞ ദിവസം പുറത്തുവന്നിരുന്നു. എന്നാല് കുട്ടികള് ഒരുമിച്ചിരുന്നാല് എന്താണ് പ്രശ്നമെന്ന് ഇതിനോട് പ്രതികരിച്ചിരുന്നു. അല്ലാതെ കുട്ടികളെ ഒരുമിച്ചിരുത്തി പഠിപ്പിക്കുമെന്ന് ഒരിടത്തും പറഞ്ഞിട്ടില്ലെന്ന് മന്ത്രി മാധ്യമങ്ങളോട് പ്രതികരിച്ചു. മുഖ്യമന്ത്രി തന്നെ ഇക്കാര്യം വ്യക്തമാക്കിയിട്ടുണ്ട്.
സ്കൂളുകള് മിക്സഡ് ആക്കുന്നതില് തീരുമാനമെടുക്കേണ്ടത് പിടിഎകളും തദ്ദേശ സ്ഥാപനങ്ങളുമാണ്. സ്കൂളുകളില് സഹപഠനം തുടങ്ങുന്നതില് നിലപാട് എടുത്തിട്ടുണ്ട്. അതില് നിന്ന് പിന്നോട്ട് പോയിട്ടില്ലെന്നും വിദ്യാഭ്യാസ മന്ത്രി വ്യക്തമാക്കി. വിദ്യാഭ്യാസ സ്ഥാപനങ്ങളില് ജന്ഡര് ന്യൂട്രാലിറ്റി യൂണിഫോം നടപ്പിലാക്കാന് സര്ക്കാര് ഉദ്ദേശിച്ചിട്ടില്ലെന്ന് മുഖ്യമന്ത്രി കഴിഞ്ഞ ദിവസം അറിയിച്ചിരുന്നു. അതിനു പിന്നാലെയാണ് ശിവന്കുട്ടിയും ്പ്രസ്താവന നടത്തിയിരിക്കുന്നത്.
ജെന്ഡര് ന്യൂട്രാലിറ്റി പാഠ്യപദ്ധതി സമീപന രേഖയുടെ കരടില് നിന്ന് ആണ്കുട്ടികളേയും പെണ്കുട്ടികളേയും ഇടകലര്ത്തി ഇരുത്തണമെന്ന നിര്ദ്ദേശം കഴിഞ്ഞി ദിവസം ഒഴിവാക്കിയിരുന്നു. ലിംഗ സമത്വത്തിലധിഷ്ഠിതമായ വിദ്യാഭ്യാസം എന്ന തലക്കെട്ട് ഒഴിവാക്കി, ലിംഗ നീതിയില് അധിഷ്ഠിതമായ വിദ്യാഭ്യാസം എന്ന നിലയിലേക്ക് മാറ്റിയിട്ടുണ്ട്. പാഠ്യപദ്ധതിയുടെ സമീപനരേഖ തയാറാക്കുന്നതിന് മുന്നോടിയായി പൊതുസമൂഹത്തിന് മുന്നില് ചര്ച്ചയ്ക്കായി വച്ച കരട് രേഖയിലാണ് മാറ്റം വരുത്തിയത്. സമസ്ത ഉള്പ്പെടെയുള്ള മുസ്ലിം സംഘടനകള് സര്ക്കാരിന്റെ പുതിയ നിര്ദ്ദേശങ്ങള്ക്കെതിരെ രംഗത്ത് എത്തുകയും ചെയ്തതോടെ സര്ക്കാര് കരട് രേഖയില് മാറ്റം വരുത്തുകയായിരുന്നു. നിര്ദേശത്തിനെതിരെ രംഗത്തെത്തിയിരുന്നു. ഈ സാഹചര്യത്തിലാണ് കരട് രേഖയില് മാറ്റം വരുത്തി സര്ക്കാര് തലയൂരിയത്.
