തിരുവനന്തപുരം: വെറുമൊരു കുഞ്ഞാടായിരുന്ന ശബരീനാഥന്റെ ഭദ്രകാളി ശരീരത്തില് ആവേശിച്ചതുപോലെ അടിമുടി മാറിയ പെരുമാറ്റം തിരുവനന്തപുരം കോര്പറേഷനില് കണ്ടപ്പോള് എല്ലാവരും ഞെട്ടി. ഒപ്പിടേണ്ട രജിസ്റ്റര് ബലം പ്രയോഗിച്ച് കയ്യില് വെയ്ക്കുന്നു. അത് ചോദിച്ചു ചെല്ലുന്ന കോര്പറേഷന് ഉദ്യോഗസ്ഥര്ക്ക് അത് നല്കാതെ യുഡിഎഫ് വനിതാ കൗണ്സിലര്മാരുടെ പിന്നില് മറഞ്ഞുനില്ക്കുന്നു, അത് എടുക്കാന് ചെന്ന ചെമ്പഴന്തി അനില് എന്ന ബിജെപി കൗണ്സിലര്ക്ക് നേരെ ആക്രോശിക്കുന്നു, വനിതാ കൗണ്സിലര്മാരെക്കൊണ്ട് ചെമ്പഴന്തി അനിലിന് നേരെ വെള്ളം കുടയുന്നു…
ഇതിന്റെ തലേനാള് ശബരീനാഥന്, വി. ശിവന്കുട്ടിയുടെ രഹസ്യക്ലാസ് അറ്റന്ഡ് ചെയ്തിരുന്നു എന്നാണ് ഇപ്പോള് തലസ്ഥാനനഗരിയില് ഉയരുന്ന ട്രോള്. നിയമസഭയില് മുണ്ടുപൊക്കിയും നിയമസഭയിലെ സ്പീക്കറുടെ മേശ തല്ലിത്തകര്ത്തും മൈക്ക് ഉടച്ചും തകര്പ്പന് അക്രമം കാഴ്ചവെച്ച ശിവന്കുട്ടിയില് നിന്നും പഠിക്കാതെ ശബരിനാഥന് ഇതുപോലെ ഒരു പ്രകടനം കോര്പറേഷനില് നടത്താന് കഴിയില്ലെന്നാണ് ഉയരുന്ന വിമര്ശനം.
.എന്തായാലും ശിവന്കുട്ടിയുടെ ക്ലാസ് കൊള്ളാമെന്നും ശിവന്കുട്ടിയുടെ അത്രയ്ക്ക് പെര്ഫോമന്സ് പോരെന്നും തുടങ്ങി നിരവധി കമന്റുകളും ട്രോളുകളുമാണ് സമൂഹമാധ്യമങ്ങളില് നിറയുന്നത്. എന്തായാലും അച്ഛന്റെ ശിഷ്യന് മുഖ്യമന്ത്രിയായി വരികയും കൊള്ളാവുന്ന ജോലി കൊടുക്കുകയും ചെയ്തതോടെ പയ്യന്റെ കോണ്ഫിഡന്സ് ലെവല് കൂടിയിട്ടുണ്ടെങ്കിലും അത് അനാവശ്യത്തിനാണെന്നും ചിലര് വിമര്ശിക്കുന്നു.
