സി.സി.കുട്ടപ്പന് പിണര്മുണ്ട
ജയിക്ക ഭാരത ജനനി നിന്തിരു പതാക ഉയരട്ടെ
പവിത്രമാകും ഭാരതഭൂവിന് പതാക പാറട്ടെ
നിറപ്പകിട്ടില് പ്രൗഢമതാകും ത്രിവര്ണ്ണമിയലുന്ന
ആര്ഷ ഭാരത ഭാസുര ഭൂവിന് പതാക ഉയരട്ടെ
സത്യം ധര്മ്മം അഹിംസ എന്നിവ മുത്തണിയിക്കുന്ന
ബുദ്ധന് പിറന്ന നാടേ നിന് തിരു പതാക ഉയരട്ടെ
അദ്വൈതത്തിന് ആചാര്യനാം ആദിശങ്കരന്റെ
തത്വജ്ഞാനം പരിരക്ഷിക്കും പതാക പാറട്ടെ
ധര്മ്മത്തില് അധിഷ്ഠിതമായി കര്മം ചെയ്തോരു
ധര്മ്മാചാര്യന്മാര് തന് നാടന് പതാക ഉയരട്ടെ
സ്വാതന്ത്ര്യത്തിന് പുതുപുലരിക്കായ് നേതൃത്വം നല്കി
വീരരക്ത സാക്ഷി സ്മരണതന് പതാക ഉയരട്ടെ
സാരനാഥത്തില് നിന്നും കണ്ട അശോഖസ്തംഭത്തിന്
ധര്മ്മോപദേശ ചക്രമിതയലും പതാക പാറട്ടെ
ദേശത്തിന് തിരുഗാനമെഴുതിയ മഹാനുഭാവന്റെ
ഗീതാഞ്ജലിതന് സ്മരണകളുയര്ത്തും പതാക പാറട്ടെ
അഹിംസയാം മഹാ ആയുധമാലെ സ്വാതന്ത്ര്യം നേടാന്
അനവരതം ശ്രമിച്ച മഹാത്മന് പതാക ഉയരട്ടെ
നാനാജാതി മതസ്ഥര് വാഴും ഭാരതദേശത്തിന്
നാനാത്വത്തിന് ഏകത്വമതാം പതാക പാറട്ടെ
ജയിക്ക ഭാരത ജനനി നിത്യം ജയിക്ക നീ സതതം
ജയിക്ക നിന്നുടെ മക്കളതെന്നും മഹത്വമോടെന്നും
