ഹൈദരാബാദ്: തെലുഗുദേശം പാര്ട്ടി സ്ഥാപകനും മുന് ആന്ധ്ര മുഖ്യമന്ത്രി എന്.ടി. രാമറാവുവിന്റെ മകള് ഉമാമഹേശ്വരി തൂങ്ങിമരിച്ച നിലയില്. ഹൈദരാബാദിലെ വസതിയിലാണ് തൂങ്ങിമരിച്ച നിലയില് കാണപ്പെട്ടത്.
പിന്നീട് പോസ്റ്റ് മോര്ട്ടത്തിനായി ഇവരുടെ മൃതദേഹം പ്രാദേശിക ആശുപത്രിയിലേക്ക് മാറ്റി. എന്.ടി. രാമറാവുവിന്റെ നാല് പെണ്മക്കളില് ഇളയവളാണ്.
ഭാര്യ ബസവതാരകവുമായി ചേര്ന്നാണ് എന്.ടി. രാമറാവു തെലുഗുദേശം പാര്ട്ടി ഉണ്ടാക്കിയത്. ഇവര്ക്ക് എട്ട് ആണ്മക്കളും നാല് പെണ്മക്കളും ഉണ്ടായിരുന്നു. മുന് ആന്ധ്ര മുഖ്യമന്ത്രി ചന്ദ്രബാബു നായിഡുവിന്റെ ഭാര്യ ഭുവനേശ്വരി, മുന് കേന്ദ്രമന്ത്രി ദഗ്ഗുബട്ടി പുരന്ദേശ്വരി എന്നിവര് മറ്റ് പെണ്മക്കളാണ്.
