ബര്‍മിങ്ങാം: കോമണ്‍വെല്‍ത്ത് ഗെയിംസില്‍ ഇന്ത്യക്ക് സ്വര്‍ണവുമായി മീരാബായ് ചാനു. വനിതകളുടെ 49 കിലോഗ്രാം ഭാരോദ്വഹനത്തില്‍ മീരാബായ് സ്വര്‍ണം നേടിയത്.ഒന്നാം ശ്രമത്തില്‍ 84 കിലോഗ്രാം ഉയര്‍ത്തിയ മീരാബായ്, രണ്ടാം ശ്രമത്തില്‍ 88 കിലോ ഗ്രാം ഉയര്‍ത്തി ഗെയിംസ് റെക്കോര്‍ഡ് ഇട്ടു.
90 കിലോ ഗ്രാം ലക്ഷ്യമിട്ട് മൂന്നാം ശ്രമത്തിനിറങ്ങിയ മീരാബായ്, അതില്‍ പരാജയപ്പെടുകയായിരുന്നു. മത്സരത്തില്‍ പങ്കെടുത്ത മറ്റാര്‍ക്കും മീരയെ മറികടക്കാന്‍ സാധിച്ചില്ല. ഇതോടെയാണ് കോമണ്‍വെല്‍ത്ത് ഗെയിംസില്‍ ഇന്ത്യക്കായി മീരാബായ്‌ക്ക് സ്വര്‍ണം നേടാന്‍ കഴിഞ്ഞത്.2018 കോമണ്‍വെല്‍ത്ത് ഗെയിംസിലും മീരാബായ് ചാനു ഇന്ത്യയുടെ സ്വര്‍ണ മെഡല്‍ ജേതാവായിരുന്നു.
