പാലാ: ന്യൂസിലാന്റില്‍ പോലീസ് ഓഫീസര്‍ ആയി നിയമിതയായി പാല സ്വദേശിനി.പാലാ ഉളളനാട് പുളിക്കല്‍ അലീന അഭിലാഷ്(22)ആണ് കോണ്‍സ്റ്റബിള്‍ റാങ്കില്‍ ഓക്‌ലന്‍ഡില്‍ നിയമിതയായത്.പാമര്‍സ്റ്റണ്‍ നോര്‍ത്തില്‍ സ്ഥിരതാമസമാക്കിയ ഉളളനാട് പുലിക്കല്‍ അഭിലാഷ് സെബാസ്റ്റ്യന്റെയും പിഴക് പുറവക്കാട്ട് ബോബിയുടെയും മകളാണ് അലീന.
ന്യൂസിലാന്‍ഡ് പോലീസില്‍ ഓഫീസര്‍ തസ്തിക ആരംഭിക്കുന്നത് കോണ്‍സ്റ്റബിള്‍ റാങ്കിലാണ്.റോയല്‍ ന്യൂസിലാന്‍ഡ് പോലീസ് കോളേജിലാണ് അലീന പരിശീലനം പൂര്‍ത്തിയാക്കിയത്.ഇന്നലെ വെല്ലിങ്ടണില്‍ ബിരുദദാനചടങ്ങ് നടന്നു.ഒട്ടാഗോ സര്‍വകലാശാലയില്‍ നിന്ന് സൈക്കോളജിയും ക്രിമിനോളജിയും പഠിച്ചതിന് ശേഷമാണ് പോലീസില്‍ ചേര്‍ന്നത്.
