ന്യൂദല്ഹി: എത്തിര്പ്പുകള് എത്ര വര്ധിച്ചാലും അഗ്നിപഥ് പദ്ധതിയില്നിന്നു കേന്ദ്രസര്ക്കാര് പിന്നോട്ടില്ലെന്ന് ദേശീയ സുരക്ഷാ ഉപദേഷ്ടാവ് അജിത് ഡോവല് പറഞ്ഞു. ഈ പദ്ധതി വര്ദ്ധിച്ച യുവാക്കളും സാങ്കേതിക വിദഗ്ധരുമടങ്ങിയ സൈന്യത്തെ ഉറപ്പുവരുത്തുമെന്നും വാര്ത്താ ഏജന്സിയായ എഎന്ഐയ്ക്കു നല്കിയ അഭിമുഖത്തില് അദേഹം വ്യക്തമാക്കി.
ഇത് ഒട്ടും ആലോചനയില്ലാതെ പ്രഖ്യാപിച്ച പദ്ധതിയല്ല. ഒട്ടേറെ സൈനിക സമിതികളും മന്ത്രിതല പാനലുകളും ഇതിനായി രൂപീകരിച്ച് നിരവധി വര്ഷം ചര്ച്ച നടത്തി എടുത്ത തീരുമാനമാണ്. ഒരു പ്രശ്നം എല്ലാവരും പ്രതീക്ഷിച്ചതാണ്. പക്ഷേ തീരുമാനം എടുക്കാനുള്ള ഇച്ഛാശക്തിയും കഴിവും ഇല്ലായിരുന്നു. പ്രധാനമന്ത്രി നരേന്ദ്ര മോദിയെപ്പോലുള്ള ഒരു നേതാവിന് മാത്രമേ ഈ പദ്ധതി നടപ്പാക്കാന് സാധിക്കൂ എന്നും അദേഹം പറഞ്ഞു.
