തിരുവനന്തപുരം: കേരള സര്‍വകലാശാലയ്‌ക്ക് നാക് അക്രഡിറ്റേഷന്‍ എ++ ഗ്രേഡ് ലഭിച്ചു. കേരളത്തില്‍ ഇത് ആദ്യമായാണ് ഒരു സര്‍വകലാശാല ഈ അംഗീകാരം കരസ്ഥമാക്കുന്നത്. 3.67 ഗ്രേഡ് പോയിന്റോടെയാണ് കേരള സര്‍വകലാശാല നേട്ടം കൈവരിച്ചത്.
അഖിലേന്ത്യാ തലത്തില്‍തന്നെ ഉയര്‍ന്ന ഗ്രേഡാണിത്. സര്‍വകലാശാലകളില്‍ ഗുണമേന്മാ വര്‍ധനവിനായി നടക്കുന്ന ശ്രമങ്ങളുടെ ഉജ്വല നേട്ടങ്ങളില്‍ ഒന്നാണ് കേരള സര്‍വകലാശാല നാക് അക്രഡിറ്റേഷനില്‍ നേടിയ എ++ ഗ്രേഡ് എന്ന് ഉന്നത വിദ്യാഭ്യാസ മന്ത്രി ആര്‍. ബിന്ദു പറഞ്ഞു. കേരളത്തിനു അഭിമാന നിമിഷം സൃഷ്ടിച്ച കേരള സര്‍വകലാശാലയെ മന്ത്രി അഭിനന്ദിച്ചു.
