തിരുവനന്തപുരം: ഈ വര്ഷത്തെ പ്ലസ്ടു പരീക്ഷ ഫലം പ്രഖ്യാപിച്ചു. ആകെ 2028 സ്കൂളുകളിലായി 3,61,901 പേര് പരീക്ഷ എഴുതിയതില് 3,02,865 പേര് ഉന്നത വിയം നേടി. വിജയശതമാനം 83.87 ശതമാനം. കഴിഞ്ഞ വര്ഷം 87.94 ശതമാനമായിരുന്നു വിജയശതമാനം.
ജൂലൈ 25 മുതല് സേ പരീക്ഷ നടത്തും.20 ദിവസം കൊണ്ട് ടാബുലേഷന് പൂര്ത്തിയാക്കി ഫലം പ്രഖ്യാപിക്കാനായെന്ന് മന്ത്രി പറഞ്ഞു. പരീക്ഷയ്ക്ക് ഫോക്കസ് ഏരിയയും നോണ് ഫോക്കസ് ഏരിയയും നിശ്ചയിച്ചിരുന്നു. ആകെ 4,22,890 വിദ്യാര്ഥികളാണ് പരീക്ഷയെഴുതിയത്. ഇത്തവണ ഗ്രേസ് മാര്ക്ക് ഒഴിവാക്കിയിരുന്നു.
വിജയശതമാനം: സയന്സ് 86.14%, ഹുമാനിറ്റീസ് 76.65 %, കൊമേഴ്സ് 85.69 %. ഉച്ചയ്ക്ക് 12 മുതല് ഓണ്ലൈനായി ഫലം ലഭ്യമാകും. പ്ലസ്ടുവില് 4,22,890 പേരും വിഎച്ച്എസ്ഇയില് 29,711 പേരുമാണ് ഫലം കാത്തിരിക്കുന്നത്. കുട്ടികളെ ഏറെ വലച്ച പ്ലസ്ടു കെമിസ്ട്രി പരീക്ഷയുടെ ഉത്തരസൂചിക വിവാദമായതിനെ തുടര്ന്ന് പുതിയ ഉത്തര സൂചിക തയാറാക്കിയാണ് വീണ്ടും മൂല്യനിര്ണയം നടത്തിയത്.
