കൊച്ചി: നടിയെ പീഡിപ്പിച്ചെന്ന കേസിലെ പ്രതി നടന് വിജയ് ബാബു കൊച്ചിയില് എത്തി. രാവിലെ ഒമ്പതരയോടെയാണ് ദുബായ് നിന്നുള്ള വിമാനത്തില് അദേഹം നെടുമ്പാശേരി വിമാനത്താവളത്തില് ഇറങ്ങിയത്. അന്വേഷണ ഉദ്യോഗസ്ഥര്ക്ക് മുന്നില് ഉടന് ഹാജരാകുമെന്നാണ് ലഭിക്കുന്ന വിവരം.
അന്വേഷണവുമായി സഹകരിക്കുമെന്ന് അദേഹം വ്യക്തമാക്കി. കോടതിയില് പൂര്ണമായും വിശ്വാസമുണ്ടെന്നും അദേഹം പറഞ്ഞു. വിമാനത്താവളത്തില് നിന്നും പുറത്തുവന്ന ശേഷം മാധ്യമപ്രവര്ത്തകരോട് സംസാരിക്കുകയായിരുന്നു അദേഹം.
കേസില് വിജയ് ബാബുവിന് ഹൈക്കോടതി ഇടക്കാല ജാമ്യം ലഭിച്ചിരുന്നു. കോടതി നിര്ദേശത്തിന്റെ പശ്ചാത്തലത്തില് വിജയ് ബാബുവിനെ ചോദ്യം ചെയ്ത ശേഷം വിട്ടയയ്ക്കാനാണ് പോലീസ് പദ്ധതിയിടുന്നത്. എറണാകുളം സൗത്ത് പോലീസ് സ്റ്റേഷനില് ഹാജരാകുമെന്നാണ് അദേഹം അറിയിച്ചിട്ടുള്ളത്.
കോടതിയുടെ സംരക്ഷണം കിട്ടാന് വിജയ് ബാബുവിന് അവകാശമുണ്ടെന്നും കുറ്റക്കാരനെന്നു തെളിയുന്നതു വരെ വിജയ് ബാബു നിരപരാധിയാണെന്നും കോടതി വ്യക്തമാക്കി. എന്നാല് വിജയ് ബാബു ചിലര്ക്ക് താരമാണെങ്കിലും കോടതിയ്ക്ക് സാധാരണക്കാരനാണ്. പ്രോസിക്യൂഷന് കേസിലെ വാട്സാപ്പ് ചാറ്റുകള് പരിശോധിച്ചിരുന്നോ എന്നും കോടതി ചോദിച്ചു.
