കൊച്ചി: ഗീതു മോഹന്ദാസ് സംവിധാനം ചെയ്ത ടോക്സിക് എന്ന സിനിമയ്ക്കെതിരെ വലിയ രീതിയില് ഹേറ്റ് കമന്റുകള് വരികയാണ്. എന്നാല് അമ്മയ്ക്കൊപ്പം സിനിമ കാണാന് പോയ തനിക്ക് ടോക്സിക് ഇഷ്ടമായെന്നും ഇതിനെ ഹേറ്റ് ചെയ്യുന്ന ആളുകളുടെ തലയ്ക്കകത്ത് വിവരമില്ലെന്നും നടി ഹര്ഷിത പിഷാരടി. ‘മൂണ്വാക്ക്’, ‘ഡൊമിനിക്ക് ആൻഡ് ദ് ലേഡീസ് പഴ്സ്’ എന്നീ സിനിമകളില് അഭിനയിച്ച നടിയാണ് ഹർഷിത.
ടോക്സിക് ഒരു നല്ല സിനിമയാണെന്നാണ് ഹര്ഷിത പിഷാരടിയുടെ വാദം. ‘‘ഞാൻ ടോക്സിക് കാണുകയായിരുന്നു. ശരിക്കും പറഞ്ഞാല് ഈ സിനിമയ്ക്ക് എന്തുകൊണ്ട് ഇത്രയും ഹേറ്റ് വരുന്നതെന്ന് എനിക്ക് അറിയില്ല. ഒന്നുകില് നിങ്ങളുടെ തലയ്ക്കകത്ത് വിവരം ഇല്ലാത്തതുകൊണ്ടായിരിക്കും അത് മനസ്സിലാക്കാനുള്ള കഴിവില്ലാത്തത്.” – ഹര്ഷിത പറയുന്നു.
ഇതു മുതിർന്നവർക്കുള്ള സിനിമയാണ്, വികാരങ്ങള് എങ്ങനെ പ്രവർത്തിക്കുന്നു എന്ന് അറിയാത്ത അപക്വമതികള്ക്കുള്ളതല്ല ഈ സിനിമ. അത് വ്യക്തമായി അണിയറക്കാർ തന്നെ പറയുന്നുണ്ട്. . ഓഹോ, മൂന്ന് സെക്കൻഡ് റീലില് കാണുന്ന എന്തൊക്കെയോ ആണ് നിങ്ങള് വിശ്വസിക്കുന്നതെങ്കില് പിന്നെ…
ഈ സിനിമയെ ലൈംഗികതയുടെ പേരില് ആളുകള് വിമർശിക്കുന്നത് കാണുമ്പോള് എനിക്ക് ശരിക്കും ലജ്ജ തോന്നുന്നു. ഒരു സ്ത്രീ എന്ന നിലയില് ഞാൻ പറയുകയാണ്, ഈ സിനിമയില് സ്ത്രീശക്തിയും പുരുഷ ഊർജ്ജവും യാതൊരുവിധ അശ്ലീലതയുമില്ലാതെ, തികച്ചും മികച്ച രീതിയില്, തുല്യമായി അവതരിപ്പിച്ചിട്ടുണ്ട്.
യഷ് ആണ് കേന്ദ്രകഥാപാത്രത്തെ അവതരിപ്പിക്കുന്നത്. സിനിമ ആദ്യദിവസം 100 കോടിയില് അധികം വരുമാനം നേടി കളക്ഷനില് റെക്കോഡ് സൃഷ്ടിച്ചിരുന്നു. ഇപ്പോഴിതാ ആറാം ദിവസം പിന്നിട്ടിട്ടും 288 കോടി മാത്രമാണ് കളക്ഷന്.
