ന്യൂദല്ഹി: കള്ളപ്പണ ഇടപാടുമായി ബന്ധപ്പെട്ട കേസില് ദല്ഹി ആരോഗ്യമന്ത്രി സത്യേന്ദ്ര ജെയ്ന് അറസ്റ്റില്. 2015-16 കാലത്ത് സത്യേന്ദ്ര ജെയിന്റെ കമ്പനികള് വഴി 4.81 കോടിയുടെ കള്ളപ്പണം വെളുപ്പിച്ചതായി ഇ.ഡി കണ്ടെത്തിയെന്നാണ് റിപ്പോര്ട്ട്.
കൊല്ക്കത്ത ആസ്ഥാനമായി പ്രവര്ക്കുന്ന കമ്പനിയുമായി ഹവാല ഇടപാടുകള് നടത്തിയ കേസിലാണ് എന്ഫോഴ്സ്മെന്റ് ഡയറക്ടേറ്റ് ആരോഗ്യമന്ത്രിയെ അറസ്റ്റ് ചെയ്തത്. ജെയിന്റെ കമ്പനികളുടെ അക്കൗണ്ടിലേക്ക് ഇത്രയും വലിയ തുക ക്രെഡിറ്റ് ചെയ്യുകയും അത് പിന്നീട് കൊല്ക്കത്തെ ആസ്ഥാനമായുള്ള ബ്രോക്കര്മാര്ക്ക് കൈമാറുകയും അതുപയോഗിച്ച് ഭൂമി വാങ്ങിയെന്നും ഇഡി വ്യക്തമാക്കി.ആം ആദ്മി നേതാവിന്റെ 4.81 കോടി രൂപ ഇഡി കണ്ടുകെട്ടുകയുമുണ്ടായി. രാവിലെ ചോദ്യം ചെയ്യാന് വിളിപ്പിച്ച ശേഷമാണ് അറസ്റ്റ് രേഖപ്പെടുത്തിയത്.
