മാഡ്രിഡ്: ലാ ലിഗയില് വിജയത്തില് ആറാടി റയലിന്റെ കുതിപ്പ്. കിരീടം ഉറപ്പിച്ച് നീങ്ങുന്ന റയല് മാഡ്രിഡ് ലെവാന്റക്കെതിരെ വിജയിച്ചത് എതിരില്ലാത്ത ആറ് ഗോളുകള്ക്ക്. വിനീഷ്യസ് ജൂനിയര് ഹാട്രിക് നേടി വിജയത്തില് താരമായി.
13-ാം മിനിറ്റില് തുടങ്ങിയ ഗോളടി മേളം 83-ാം മിനിറ്റിലാണ് റയല് അവസാനിപ്പിച്ചത്. ഫെര്ലാന്ഡ് മെന്ഡി 13-ാം മിനിറ്റില് ആദ്യ ഗോള് നേടി. 19-ാം മിനിറ്റില് കീം ബെന്സേമ ലീഡ് ഉയര്ത്തി. 34-ാം മിനിറ്റില് റോഡ്രിഗോ ഗോളടിച്ചു. പിന്നീട് 45, 68, 83 മിനിറ്റുകളില് വിനീഷ്യസ് ജൂനിയര് ഗോളടിച്ച് വിജയം ആധികാരികമാക്കി. 84 പോയിന്റുള്ള റയല് പോയിന്റ് പട്ടികയില് ഒന്നാമത് ബഹുദൂരം മുന്നിലാണ്.
മറ്റൊരു മത്സരത്തില് വല്ലകാനോയെ ഒന്നിനെതിരെ അഞ്ച് ഗോളുകള്ക്ക് വലന്സിയ തോല്പ്പിച്ചു. അല്ഫോന്സോ പെഡ്രാസ ഇരട്ട ഗോള് നേടി. കാഡിസിനെതിരെ എതിരില്ലാത്ത മൂന്ന് ഗോളുകള്ക്ക് റയല് സോസിഡാഡും വിജയിച്ചു.
