തിരുവനന്തപുരം: അഖില ഭാരതീയ സന്ത് സമിതിയുടെ ആഭിമുഖ്യത്തിൽ കേരളം, കർണ്ണാടകം, തമിഴിനാട് തുടങ്ങിയ സംസ്ഥാനങ്ങളിലെ പ്രമുഖ സന്യാസിമാരും അഖില ഭാരതീയ സന്ത് സമിതിയുടെ ഉത്തരഭാരതത്തിലുള്ള ഉന്നത നേതാക്കളും പങ്കെടുക്കുന്ന സന്യാസി സംഗമം മെയ് 14, 15 തീയതികളിൽ ചേങ്കോട്ടുകോണം സ്വാമി സത്യാനന്ദ സരസ്വതി നഗറിൽ നടക്കും.
ശനിയാഴ്ച രാവിലെ 9.00 ന് അഖില ഭാരതീയ സന്ത് സമിതിയുടെ അദ്ധ്യക്ഷനും ഗുജറാത്തിലെ പ്രമുഖ ആചാര്യനുമായ അവിചൽ ദാസ് ജി മഹാരാജ് സന്യാസി സംഗമം ഉദ്ഘാടനം ചെയ്യും. അഖില ഭാരതീയ സന്ത് സമിതിയുടെ വൈസ് പ്രസിഡന്റ് കമൽ നയൻ ദാസ് ജി ചടങ്ങിൽ അദ്ധ്യക്ഷത വഹിക്കും.
അശ്വതി തിരുനാൾ ഗൗരി ലക്ഷ്മി ഭായ് തമ്പുരാട്ടി മുഖ്യാതിഥിയായി പങ്കെടുക്കും സംഘടനയുടെ ജനറൽ സെക്രട്ടറി ജിതേന്ദ്രാനന്ദ സരസ്വതി, ആചാര്യ ധർമ്മ ദേവ് ജി, അഖില ഭാരതീയ സന്ത് സമിതിയുടെ ദേശീയ സെക്രട്ടറി ശ്രീശക്തി ശാന്താനന്ദ മഹർഷി, ശ്രീമത് സ്വാമി ചിദാനന്ദപുരി, പൂജ്യശ്രീ സ്വാമി കൃഷ്ണാനന്ദ സരസ്വതി, മുംബൈ കൂടാതെ പ്രമുഖ ആശ്രമങ്ങളുടെ അധിപന്മാർ ഉദ്ഘാടന ചടങ്ങിൽ സംസാരിക്കും.
15ാം തീയതി രാവിലെ 11 മണിക്ക് നടക്കുന്ന സമാപന സമ്മേളനത്തിൽ വിശിഷ്ടാതിഥിയായി കേരള ഗവർണർ ആരിഫ് മുഹമ്മദ് ഖാൻ പങ്കെടുക്കും
രണ്ട് ദിവസം നീണ്ടു നിൽക്കുന്ന സംഗമവേദിയിൽ ക്ഷേത്ര വിമോചനം, ക്ഷേത്രാചാരാനുഷ്ടനങ്ങളുടെ പുന:സ്ഥാപനം, ഹിന്ദുസമൂഹം നേരിടുന്ന വെല്ലുവിളികൾ തുടങ്ങി നിരവധി വിഷയങ്ങളിൽ പ്രമുഖ സന്യാസിമാർ ചർച്ചകളും വശകലനങ്ങളും നടത്തും.കുമ്മനം രാജശേഖരൻ, T. P സെൻകുമാർ, P. അശോക് കുമാർ, Dr പ്രമീളാദേവി, അഡ്വ കൃഷ്ണരാജ്, രഞ്ജിത്ത് കാർത്തികേയൻ, മാധവൻ B നായർ, സ്വാമി ശിവാമൃതാനന്ദപുരി, Dr. ചന്ദ്രശേഖരൻ നായർ , KR മനോജ് തുടങ്ങിയവർ ചർച്ചകളിൽ പങ്കെടുക്കുന്നു. സന്യാസി സംഗമത്തിൽ ഉരുത്തിരിയുന്ന ആശയങ്ങളും വിശകലനങ്ങളും ക്രോഡീകരിച്ചു കൊണ്ടുള്ള ചർച്ചകളിൽ ഭാവി പരിപാടികൾക്ക് രൂപം നൽകും.
കേരളത്തിൽ ഇദംപ്രഥമമായി നടക്കുന്ന ദക്ഷിണ ഭാരത സന്യാസി സംഗമത്തിന് ഒരുക്കുങ്ങൾ പൂർത്തിയായതായി സംഘാടകസമിതി ചെയർമാൻ Â രാജശേഖരൻ നായർ അറിയിച്ചു.
