തിരുവനന്തപുരം: നെടുമങ്ങാട് ഹോട്ടലില്‍ നിന്നും വാങ്ങിയ ഭക്ഷണപ്പൊതിയില്‍ പാമ്പിന്റെ അവശിഷ്ടം. ചന്ദമുക്കില്‍ പ്രവര്‍ത്തിക്കുന്ന ഷാലിമാര്‍ ഹോട്ടലില്‍ നിന്നും വാങ്ങിയ ഭക്ഷണ പൊതിയിലാണ് പാമ്പിന്റെ തോല് കണ്ടെത്തിയത്. സംഭവത്തെ തുടര്‍ന്ന് ഹോട്ടല്‍ ഭക്ഷ്യസുരക്ഷാ വിഭാഗം പൂട്ടിച്ചു. നെടുമങ്ങാട് പൂവത്തുര്‍ ചെല്ലാംകോട് Â സ്വദേശി പ്രസാദിന്റെ ഭാര്യ പ്രിയയുടേതാണ് പരാതി.
പൂവത്തൂര്‍ സ്വദേശിനി പ്രിയയ്‌ക്ക് ലഭിച്ച ഭക്ഷണ പൊതിയിലെ പേപ്പറില്‍ ആയിരുന്നു പാമ്പിന്റ തോല് കണ്ടെത്തിയത്. രണ്ട് പൊറോട്ടയായിരുന്നു യുവതി ഹോട്ടലില്‍ നിന്നും പാഴ്സലായി വാങ്ങിയത്. തുടര്‍ന്ന് വീട്ടില്‍ എത്തി മകള്‍ക്ക് നല്‍കി. പൊതി മുറിച്ച് കുറച്ച് ഭക്ഷണം കഴിച്ച ശേഷമാണ് ഇവര്‍ പേപ്പറിലും പൊറോട്ടയിലും ഒട്ടിപ്പിടിച്ച നിലയില്‍ പാമ്പിന്റെ അവശിഷ്ടം കണ്ടത്. ഉടനെ Â നെടുമങ്ങാട് പോലീസില്‍ പരാതി നല്‍കുകയായിരുന്നു. പോലീസാണ് വിവരം ഭക്ഷ്യസുരക്ഷാ വിഭാഗത്തെ അറിയിച്ചത്. അധികൃതര്‍ ഭക്ഷണ പൊതിയും പാമ്പിന്റെ അവശിഷ്ടവും പരിശോധിച്ചു. തുടര്‍ന്നാണ് അധികൃതര്‍ ഹോട്ടലില്‍ എത്തി പരിശോധന നടത്തി പൂട്ടിച്ചത്.
Â
Â
Â
