കൊച്ചി:കതൃക്കടവിലെ അല് റീം കുഴിമന്തി റസ്റ്റോറന്റില് നിന്ന് ഭക്ഷണം കഴിച്ച അമ്പതോളം പേര്ക്ക് ഭക്ഷ്യവിഷബാധ. കഴിഞ്ഞ ബുധനാഴ്ച മുതല് ഈ ഹോട്ടലില് നിന്നും ആഹാരം കഴിച്ചവര്ക്കാണ് വയറുവേദനയും ഛര്ദ്ദിയും മറ്റ് അസ്വസ്ഥതകളും അനുഭവപ്പെട്ടത്. ഇതില് കുറെ പേര് കടവന്ത്ര ഇന്ദിരാ ഗാന്ധി സഹകരണ ആശുപത്രിയിലുള്പ്പെടെ ചികിത്സ തേടി.
ഭക്ഷ്യസുരക്ഷാ വകുപ്പിന് പരാതി ലഭിച്ചതിനെ തുടര്ന്ന് ഉദ്യോഗസ്ഥരെത്തി പരിശോധന നടത്തി.ഹോട്ടലിന്റെ പ്രവര്ത്തനം അടിയന്തരമായി നിര്ത്തിവയ്പ്പിച്ചു.
ഹോട്ടലിന്റെ ലൈസന്സ് ഭക്ഷ്യസുരക്ഷാ വകുപ്പ് സസ്പെന്ഡ് ചെയ്തു. റസ്റ്റോറന്റില് നിന്ന് ശേഖരിച്ച ഭക്ഷണ സാമ്പിളുകള് ശാസ്ത്രീയ പരിശോധനകള്ക്കായി ലാബിലേക്ക് അയച്ചു. സംഭവത്തില് വിശദ അന്വേഷണം നടത്തുമെന്നും കുറ്റക്കാര്ക്കെതിരെ കര്ശന നടപടി സ്വീകരിക്കുമെന്നും അധികൃതര് പറഞ്ഞു.
