കൊച്ചി : തൃക്കാക്കര ഉപതെരഞ്ഞെടുപ്പില് സിപിഎം സ്ഥാനാര്ത്ഥിയായി കെ.എസ്. അരുണ്കുമാര് മത്സരിക്കും. സിപിഎം ജില്ലാകമ്മിറ്റി അംഗവും ഡിവൈഎഫ്ഐ മുന്ജില്ലാ സെക്രട്ടറിയുമാണ്. ഉപതെരഞ്ഞെടുപ്പ് ചുമതലയുള്ള കേന്ദ്രകമ്മിറ്റിയംഗം ഇ.പി. ജയരാജന്റെയും മന്ത്രി പി. രാജീവിന്റെയും സാന്നിധ്യത്തില് ജില്ലയിലെ മുതിര്ന്ന നേതാക്കള് കഴിഞ്ഞ ദിവസം നടന്നചര്ച്ചയില് അരുണിന്റെ പേര് ഉയര്ന്നിരുന്നു.
തുടര്ന്ന് ബുധനാഴ്ച ചേര്ന്ന ജില്ലാ സെക്രട്ടേറിയറ്റ് യോഗത്തിലും ജില്ലാകമ്മിറ്റിയിലും ഈ പേര് ചര്ച്ചചെയ്ത ശേഷമാണ് അരുണിനെ സ്ഥാനാര്ത്ഥിയായി പ്രഖ്യാപിച്ചിരിക്കുന്നത്. കാക്കനാട് സെസ്സിലെ തൊഴിലാളി യൂണിയന് നേതാവായ അരുണ് കുമാറിന് തെരഞ്ഞെടുപ്പിലെ കന്നിയങ്കമാണ്. ചാനല് ചര്ച്ചകളില് സിപിഎം പ്രതിനിധിയായി ഏറെ സുപരിചിതന് കൂടിയാണ് ഇദ്ദേഹം.
