കോപ്പന്ഹേഗന്: ഡാനിഷ് കമ്പനികള്ക്കും ഡാനിഷ് പെന്ഷന് ഫണ്ടുകള്ക്കും ഇന്ത്യയുടെ അടിസ്ഥാനസൗകര്യ മേഖലയിലും ഹരിത വ്യവസായങ്ങളിലും ധാരാളം നിക്ഷേപ അവസരങ്ങള് ഉണ്ടെന്ന് പ്രധാനമന്ത്രി നരേന്ദ്രമോദി. 200ലധികം ഡാനിഷ് കമ്പനികള് ഇന്ത്യയിലെ വിവിധ മേഖലകളില് പ്രവര്ത്തിക്കുന്നു.
അത്തരം നിരവധി മേഖലകളുണ്ട്, ഇന്ത്യയില് ‘ബിസ്സിനെസ്സ് ചെയ്യല് സുഗമമാക്കല് ‘ വര്ദ്ധിപ്പിക്കുന്നതിന്റെയും നമ്മുടെ സ്ഥൂല സാമ്പത്തിക പരിഷ്കാരങ്ങളുടെയും പ്രയോജനം അവര്ക്ക് ലഭിക്കുന്നു.ഡെന്മാര്ക്കില് നടത്തിയ പത്രപ്രസ്താവനയില് മോദി പറഞ്ഞു. ഇരു രാജ്യങ്ങളും ജനാധിപത്യം, ആവിഷ്കാര സ്വാതന്ത്ര്യം, നിയമവാഴ്ച എന്നിവയുടെ മൂല്യങ്ങള് പങ്കിടുക മാത്രമല്ല, പരസ്പര പൂരകമായ നിരവധി ശക്തികളും നമുക്കുണ്ട്. നരേന്ദ്ര മോദി പറഞ്ഞു
പ്രധാനമന്ത്രി നരേന്ദ്ര മോദി ഡെന്മാര്ക്കില് നടത്തിയ പത്രപ്രസ്താവന
ശ്രേഷ്ഠരേ
ഡെന്മാര്ക്കിന്റെ പ്രധാനമന്ത്രി,
പ്രതിനിധി സംഘത്തിലെ അംഗങ്ങളേ
മാധ്യമ സുഹൃത്തുക്കളെ,
ശുഭ സായാഹ്നവും നമസ്കാരവും,,
ബഹുമാനപ്പെട്ട പ്രധാനമന്ത്രി, എന്നെയും എന്റെ പ്രതിനിധികളെയും ഡെന്മാര്ക്കില് ആശ്ചര്യകരമായ സ്വീകരണത്തിനും ആതിഥ്യമരുളിയതിനും നിങ്ങള്ക്കും നിങ്ങളുടെ ടീമിനും നന്ദി. നിങ്ങളുടെ മനോഹരമായ രാജ്യത്തേക്കുള്ള എന്റെ ആദ്യ സന്ദര്ശനമാണിത്. കഴിഞ്ഞ വര്ഷം ഒക്ടോബറില്, നിങ്ങളെ ഇന്ത്യയിലേക്ക് സ്വാഗതം ചെയ്യാന് എനിക്ക് അവസരം ലഭിച്ചു. ഈ രണ്ടു സന്ദര്ശനങ്ങളിലൂടെ ബന്ധങ്ങളില് അടുപ്പവും ചടുലതയും കൊണ്ടുവരാന് കഴിഞ്ഞു. നമ്മുടെ ഇരു രാജ്യങ്ങളും ജനാധിപത്യം, ആവിഷ്കാര സ്വാതന്ത്ര്യം, നിയമവാഴ്ച എന്നിവയുടെ മൂല്യങ്ങള് പങ്കിടുക മാത്രമല്ല, പരസ്പര പൂരകമായ നിരവധി ശക്തികളും നമുക്കുണ്ട്.
സുഹൃത്തുക്കളേ ,
2020 ഒക്ടോബറില് നടന്ന ഇന്ത്യഡെന്മാര്ക്ക് വെര്ച്വല് ഉച്ചകോടിയില്, നാം നമ്മുടെ ബന്ധത്തിന് ഒരു ഹരിത തന്ത്രപ്രധാന കൂട്ടുകെട്ടിന്റെ പദവി നല്കി. ഇന്നത്തെ ചര്ച്ചയില്, ഞങ്ങളുടെ ഗ്രീന് സ്ട്രാറ്റജിക് പാര്ട്ണര്ഷിപ്പിന്റെ സംയുക്ത പ്രവര്ത്തന പദ്ധതി ഞങ്ങള് അവലോകനം ചെയ്തു.
വിവിധ മേഖലകളില്, പ്രത്യേകിച്ച് പുനരുപയോഗ ഊര്ജം, ആരോഗ്യം, തുറമുഖങ്ങള്, ഷിപ്പിംഗ്, സര്ക്കുലര് എക്കണോമി, ജലവിഭവ വിനിയോഗം തുടങ്ങിയ മേഖലകളില് കാര്യമായ പുരോഗതി കൈവരിച്ചതില് എനിക്ക് സന്തോഷമുണ്ട്. കാറ്റ് ഊര്ജ്ജം, ഷിപ്പിംഗ്, കണ്സള്ട്ടന്സി, ഭക്ഷ്യ സംസ്കരണം, എഞ്ചിനീയറിംഗ് എന്നിങ്ങനെ 200ലധികം ഡാനിഷ് കമ്പനികള് ഇന്ത്യയിലെ വിവിധ മേഖലകളില് പ്രവര്ത്തിക്കുന്നു. അത്തരം നിരവധി മേഖലകളുണ്ട്, ഇന്ത്യയില് ‘ബിസ്സിനെസ്സ് ചെയ്യല് സുഗമമാക്കല് ‘ വര്ദ്ധിപ്പിക്കുന്നതിന്റെയും നമ്മുടെ സ്ഥൂല സാമ്പത്തിക പരിഷ്കാരങ്ങളുടെയും പ്രയോജനം അവര്ക്ക് ലഭിക്കുന്നു. ഡാനിഷ് കമ്പനികള്ക്കും ഡാനിഷ് പെന്ഷന് ഫണ്ടുകള്ക്കും ഇന്ത്യയുടെഅടിസ്ഥാനസൗകര്യ മേഖലയിലും ഹരിത വ്യവസായങ്ങളിലും ധാരാളം നിക്ഷേപ അവസരങ്ങളുണ്ട്.
ഇന്ത്യയൂറോപ്യന് യൂണിയന് ബന്ധം, ഇന്തോപസഫിക്, ഉക്രെയ്ന് എന്നിവയുള്പ്പെടെ നിരവധി പ്രാദേശികവും ആഗോളവുമായ വിഷയങ്ങളും ഞങ്ങള് ഇന്ന് ചര്ച്ച ചെയ്തു. ഇന്ത്യയൂറോപ്യന് യൂണിയന് സ്വതന്ത്ര വ്യാപാര കരാറിന്റെ ചര്ച്ചകള് എത്രയും വേഗം അവസാനിക്കുമെന്ന് ഞങ്ങള് പ്രതീക്ഷിക്കുന്നു. സ്വതന്ത്രവും തുറന്നതും ഉള്ക്കൊള്ളുന്നതും നിയമങ്ങള് അടിസ്ഥാനമാക്കിയുള്ളതുമായ ഇന്തോപസഫിക് മേഖല ഉറപ്പാക്കുന്നതിന് ഞങ്ങള് ഊന്നല് നല്കി. ഉക്രെയ്നില് ഉടനടി വെടിനിര്ത്തല് നടത്താനും പ്രശ്നം പരിഹരിക്കാന് സംഭാഷണവും നയതന്ത്രവും സ്വീകരിക്കണമെന്നും ഞങ്ങള് ആവശ്യപ്പെട്ടു. കാലാവസ്ഥാ മേഖലയിലെ സഹകരണവും ഞങ്ങള് ചര്ച്ച ചെയ്തു. ഗ്ലാസ്ഗോ കാലാവസ്ഥ ഉച്ചകോടിയില് എടുത്ത തീരുമാനങ്ങള് നിറവേറ്റാന് ഇന്ത്യയും പ്രതിജ്ഞാബദ്ധമാണ്. ആര്ട്ടിക് മേഖലയില് സഹകരണത്തിനുള്ള കൂടുതല് അവസരങ്ങള് പര്യവേക്ഷണം ചെയ്യാന് ഞങ്ങള് സമ്മതിച്ചിട്ടുണ്ട്.
ശ്രേഷ്ഠത,
നിങ്ങളുടെ നേതൃത്വത്തില് ഇന്ത്യയും ഡെന്മാര്ക്കും തമ്മിലുള്ള ബന്ധം പുതിയ ഉയരങ്ങളിലെത്തുമെന്ന് എനിക്ക് ഉറപ്പുണ്ട്. നാളെ നടക്കാനിരിക്കുന്ന രണ്ടാമത്തെ ഇന്ത്യനോര്ഡിക് ഉച്ചകോടിക്ക് ആതിഥേയത്വം വഹിച്ചതിന് ഞാന് നിങ്ങളോട് എന്റെ നന്ദി അറിയിക്കുന്നു. ഇന്ന് ഇന്ത്യന് സമൂഹം ഈ പരിപാടിയില് പങ്കെടുത്തതിന് ഞാന് നിങ്ങള്ക്ക് വളരെയധികം നന്ദി പറയുന്നു, കാരണം നിങ്ങള് ഇവിടെ വരാന് സമയം കണ്ടെത്തിയത് തന്നെ ഇന്ത്യന് സമൂഹത്തോടുള്ള നിങ്ങളുടെ സ്നേഹത്തിന്റെ പ്രതീകമാണ്.
നന്ദി !
