തിരുവനന്തപുരം: പാലക്കാട് നടന്ന കൊലപാതകങ്ങളുടെ പശ്ചാത്തലത്തില് സമൂഹ മാധ്യമങ്ങളില് വിദ്വേഷവും സ്പര്ദ്ധയും വളര്ത്തുന്ന തരത്തില് സന്ദേശങ്ങള് പ്രചരിപ്പിക്കുന്നവര്ക്കെതിരെ ശക്തമായ നടപടിയുണ്ടാകുമെന്ന് കേരളാ പൊലീസ്. വിദ്വേഷവും സ്പര്ദ്ധയും വളര്ത്തുന്ന തരത്തില് സമൂഹ മാധ്യമങ്ങളില് സന്ദേശങ്ങള് പ്രചരിപ്പിക്കുന്ന ഗ്രൂപ്പുകള്ക്കെതിരേയും ഗ്രൂപ്പ് അഡ്മിന്മാര്ക്കെതിരേയും നടപടിയുണ്ടാകുമെന്ന് പോലീസ് വ്യക്തമാക്കി.
കേരള പോലീസിന്റെ ഫേയ്സ്ബുക്ക് കുറിപ്പിന്റെ പൂര്ണരൂപം:
പാലക്കാട് നടന്ന അനിഷ്ട സംഭവങ്ങളുടെ പശ്ചാത്തലത്തില് സമൂഹത്തില് വിദ്വേഷവും സ്പര്ദ്ധയും വളര്ത്തി, സാമുദായിക ഐക്യം തകര്ക്കുക എന്ന ഉദ്ദേശത്തോടു കൂടി ചില സാമൂഹ്യ വിരുദ്ധര് സാമൂഹമാധ്യമങ്ങള് വഴിയും അല്ലാതെയും പ്രകോപനപരമായ സന്ദേശങ്ങള് പ്രചരിപ്പിക്കുന്നതായി ശ്രദ്ധയില്പെട്ടിട്ടുണ്ട്. ഇത്തരം സന്ദേശങ്ങള് പ്രചരിപ്പിക്കുന്നവരും ഗ്രൂപ്പുകളും ഗ്രൂപ്പ് അഡ്മിന്മാരും പോലീസിന്റെ നിരീക്ഷണത്തിലാണ്. ഇത്തരക്കാര്ക്കെതിരെ ശക്തമായ നടപടികള് സ്വീകരിക്കുന്നതായിരിക്കും.
