കോഴിക്കോട്: നടി സുരഭി ലക്ഷ്മി രക്ഷിച്ച് ആശപത്രിയില് എത്തിച്ച യുവാവ് മരിച്ചു.പാലക്കാട് പട്ടാമ്പി വിളയൂര് പഞ്ചായത്തില് വയലശ്ശേരി മുസ്തഫ(39)ആണ് മരിച്ചത്. മാനസികാസ്വസ്ഥ്യമുളള ഭാര്യയെയും കുഞ്ഞിനെയും കാണാതായതിനെത്തുടര്ന്ന് അന്വേഷണം നടത്തുന്നതിന് ഇളയ കുഞ്ഞിനും, സുഹൃത്തിനുമൊപ്പം ഇറങ്ങിയതാണ് മുസ്തഫ.
ജീപ്പ് ഓടിക്കുന്നതിനിടെ ഹൃദാഘാതത്തെത്തുടര്ന്ന് കുഴഞ്ഞുവീണ ഇദ്ദേഹത്തെ സുരഭയാണ് പോലീസില് അറിയിച്ചത്. തുടര്ന്ന് പോലീസ് എത്തി ആശുപത്രിയില് എത്തിച്ചത്. എന്നാല് കുറച്ച് സമയത്തിനുളളില് തന്നെ മരണം സംഭവിച്ചു. ഈ വിവരം നടിയോ, പോലീസോ അറിഞ്ഞിരുന്നില്ല.
കാണാതായ സ്ത്രീയെയും, കുഞ്ഞിനെയും പോലീസ് കണ്ടെത്തി പോലീസ് സ്റ്റേഷനില് എത്തിച്ചിരുന്നു. ഇളയകുട്ടിയുമായി പോലീസ് സ്റ്റേഷനില് എത്തിയ സുരഭി അവിടെവെച്ച് കുഞ്ഞിനെ അമ്മയാക്ക് കൈമാറി.
