മുംബൈ: മെയ് 3നകം മുസ്ലിം പള്ളികളിലെ ലൗഡ് സ്പീക്കറുകള് എടുത്തുമാറ്റണമെന്ന് ശിവസേന സര്ക്കാരിന് മുന്നറിയിപ്പ് നല്കി മഹാരാഷ്ട്ര നവനിര്മ്മാണ് സേന (എംഎന്എസ്) നേതാവ് രാജ് താക്കറേ.
ഇന്ത്യയില് ഉടനെ ഏക സിവില് കോഡ് കൊണ്ടുവരണമെന്നും ജനസംഖ്യ നിയന്ത്രണം നടപ്പിലാക്കണമെന്നും രാജ് താക്കറേ പറഞ്ഞു. ‘പ്രധാനമന്ത്രി നരേന്ദ്രമോദി ഉടനെ രാജ്യത്ത് ഏക സിവില് കോഡ് നടപ്പാക്കണം’- രാജ് താക്കറെ ആവശ്യപ്പെട്ടു.
മെയ് 3നകം ലൗഡ് സ്പീക്കറുകള് പള്ളികളില് നിന്നും എടുത്തുമാറ്റിയില്ലെങ്കില് മഹാരാഷ്ട്ര നവനിര്മ്മാണ് പ്രവര്ത്തകര് പള്ളികള്ക്ക് മുന്നില് ഹനുമാന് മന്ത്രങ്ങള് (ചാലിസ) മൈക്കിലൂടെ കേള്പ്പിക്കുമെന്നും അദ്ദേഹം മുന്നറിയിപ്പ് നല്കി. ലൗഡ് സ്പീക്കറുകള് ഒരു മതപ്രശ്നമല്ല, സാമൂഹ്യപ്രശ്നമാണെന്നും അദ്ദേഹം പറഞ്ഞു.
കര്ശനമായും ജനസംഖ്യ നിയന്ത്രണത്തിന് ബില് കൊണ്ടുവരണമെന്നും രാജ് താക്കറേ ആവശ്യപ്പെട്ടു. ‘ജനസംഖ്യ നിയന്ത്രിക്കുന്നതിന് നിയമം കൊണ്ടുവരണം. ഞങ്ങള്ക്ക് ഒരു കുട്ടിയും നിങ്ങള്ക്ക് അഞ്ച് കുട്ടികളും എന്നതില് ഞങ്ങള്ക്ക് പ്രശ്നമില്ല. പക്ഷെ ജനസംഖ്യ ഈ നിലയില് വര്ധിച്ചാല് രാജ്യം വീണ്ടും വിഭജിക്കപ്പെടും.’- രാജ് താക്കറേ പറഞ്ഞു.
