മെല്ബണ്: മെല്ബണിനു സമീപം ക്രാന്ബണ് വെസ്റ്റില് കാറിന് തീപിടിച്ച് പെന്തക്കോസ്തു സഭാംഗമായ മലയാളി യുവതിയും രണ്ടു പെണ് കുഞ്ഞുങ്ങളും മരിച്ചു. ഇവരുടെ വിവരങ്ങള് പോലീസ് പുറത്തുവിട്ടിട്ടില്ല. കാറിന് തീപിടിച്ചത് എങ്ങനെയെന്ന് വ്യക്തമല്ല. മലയാളിയായ മുപ്പതുകാരിയും ആറു വയസിനു താഴെയുള്ള രണ്ടു പെണ്കുട്ടികളുമാണ് മരിച്ചതെന്നാണ് വിവരം.
ലൈഫ് സ്പ്രിങ് പെന്തക്കോസ്തു സഭാംഗമാണ് ഇവര്. വെസ്റ്റേണ് പോര്ട്ട് ഹൈവേയില് കഴിഞ്ഞ രാത്രി എട്ട് മണിക്ക് മുമ്പ് ഒരു കാറിന് തീപിടിച്ചെന്നാണ് റിപ്പോര്ട്ടുകള്. ഹൈവേക്ക് സമീപമുള്ള ഒരു ഫാം ഗേറ്റിന് മുന്നിലാണ് കത്തിയ നിലയില് വാഹനം കണ്ടെത്തിയത്. പരിശോധനയില് വാഹനത്തിനുള്ളില് മൂന്ന് മൃതദേഹങ്ങളും പൊലീസ് കണ്ടെത്തി. സംഭവത്തില് പൊലീസ് അന്വേഷണം ആരംഭിച്ചു. ഭര്ത്താവുമായി യുവതി പിണങ്ങി കഴിയുകയായിരുന്നുവെന്നും റിപ്പോര്ട്ടുണ്ട്. എന്നാല്, വാഹനത്തിന് തീപിടിച്ചത് എങ്ങനയെന്ന് ആരും കണ്ടിട്ടില്ലെന്നതും സിസിടിവി ക്യാമറകള് ഇല്ലെന്നതും പോലീസിനെ കുഴയ്ക്കുന്നുണ്ട്.
