തിരുവനന്തപുരം: ഇടതുപക്ഷത്തിന്റെ പിന്തുണയോടെ 28,29 തീയതികളില് ട്രേഡ്യൂണിയനുകള് നടത്തുന്ന ദേശീയപണിമുടക്ക് വിജയിപ്പിക്കാന് സര്ക്കാര് സംവിധാനവും. സര്ക്കാര് തന്നെ പണിമുടക്ക് ദിവസങ്ങളില് സര്ക്കാര് സ്ഥാപനങ്ങളുടെ പ്രവര്ത്തനം തടസപ്പെടുമെന്ന മുന്നറിയിപ്പ് നല്കി പകരം സംവിധാനമൊരുക്കണമെന്ന് വിവിധ വകുപ്പുകള്ക്ക് നിര്ദേശം നല്കിതുടങ്ങി.
പണിമുടക്ക് കാരണം സാമ്പത്തിക വര്ഷാവസാനത്തിലെ സര്ക്കാരിന്റെ സാമ്പത്തിക ഇടപാടുകള് തടസപ്പെടുമെന്ന് വ്യക്തമാക്കി 27ന് ഞായറാഴ്ച ട്രഷറികള് പ്രവര്ത്തിപ്പിക്കണമെന്ന് സര്ക്കാര് നിര്ദേശം നല്കി. പെന്ഡിങ് ബില്ലുകളും ചെക്കുകളും ഞായറാഴ്ച പാസാക്കി നല്കണമെന്നും പുതിയ ബില്ലുകളും ചെക്കുകളും സ്വീകരിക്കണമെന്നും ട്രഷറികള്ക്ക് നിര്ദേശം നല്കിയിട്ടുണ്ട്.
